تخارده بير ترافيك حادثه سيده اوچ كيشي اولگن

Image copyright BBC World Service

بو حادثه بوگون تخار ـ قندوز قتناو يولي ده يوز بيرگن. هلاك بولگنلرني مكتب اوقيتووچي معلملر تشكيل بيره دي. اولر بوگون ايرته لب آق مسجد مكتبيگه قره ب باره ياتگن بير چاغده موترلري يولدن چيقيب اغده ريلگن بير پيتده هلاك بوليشگن.

نيتچه ده موتر هيداوچيسي شامل اوچ كيشي اوقيتووچي هلاك بولگن و 8 كيشي هم تن جراحتي آلگن.

يره لنگن لر شفاخانه گه ييتكزيلگن، اما شفاكارلر اولردن ايكيته سي نينگ احوالي آغيرليگيني ني بيلديرگن.

ايتيليشيچه، حادثه هيداوچي نينگ احتياط سيزليگي و موترنينگ حد دن تيزليگي سببچي بولگن.

تخار ـ قندوز آره سيده گي قتناو يول، هردايم ترافيك حادثه لريگه گواه بوليب توريب، آدملرنينگ جاني تلفاتيگه سبب بوله دي.