افغان حکومتی طالبان بیش رهبری قطر حکومتیگه تاپشیریلگنیدن اعتراض بیلدیریلدی

افغامستان تشقی ایشلر وزیرلیگی طالبان اسارتیدن قوييب يوباريلگن امریکاليك عسکرنينگ اورنيگه طالبان گروهی نینگ بیش تنيقلی رهبري گوانتانامو قماقخانه سیدن آزاد ایتیلیب قطر حکومتیگه تاپشیريلگنی دن اعتراض بيلدیرگن.

افغانستان تشقی ایشلر وزیرلیگی اوزي نينگ بوحقده بيلديرگن اعتراض نامه سیده، گوانتانامو قماقخانه سیدن قویيب یوباریلگن طالبان رهبرلرینی قطرده شرط ـ شرايط سیز آزاد حیات کیچریشلرینی طلب ایتکن.

تشقی ایشلر وزیرلیگی سوزچیسي احمد شکیب مستغنی بوگون بیر خبری یيغینده، افغانستان دولتی نینگ بو اعتراضی امریکا نینگ کابل ده گي ایلچیخانه سیگه تاپشیریلگنی نی تاکیدلیدی.

مستغنی جناب لری اگر بو بیش کیشی گوانتانامو قماق خانه سیدن اوز رغبتلری بیلن امریکا حکومتی تمانیدن قطرگه انتقال بیریلگن بولسه، افغانستان دولتی اونی خوش قرشیلب افغانستان اساسی قانوني گه بنآ، اوز وطنداش لری حق ـ حقوق لرینی تامینلش و اولردن محافظت قلیش نی اوز وظیفه سی بيله دی دیب تاکیدلگن.

او عین دمده، افغانستان دولتی بو رسمی اعتراض ني قطر دولتی گه جونتیلگنی نی هم ایتیب، قطر حکومتی بو بیش افغان وظنداشینی خلق ارا قاعده قانون لرگه ضد امریکاليك لردن تسلیم آلیب اولرنی نظارت آستيده آلگنیدن افغانستان دولتی خواطرده ایکنی نی بیان ایتگن .

جاری هفته اولیده قطر واسطه چیلیگی بیلن امریکا حکومتی طالبان نینگ بیش تنقلی رهبرلرنی، بیش ییل دن بویان طالبان قولیده اسیر بولگن بیرعسکری بیلن المشتریب بو بیش کیشی نی قطر حکومتی گه تاپشیردی . ایتلیشیچه امریکا و قطر ارا حاصل بولگن کیلشو گه اساسا گوانتانامو دن قوییب یوباریلگن بو بیش کیشی بیرییل گه چه قطردن هیچ بیر جای ده سفر قله ال مس لیگ لری قید ایتیلگن.