حامد کرزی رسمیلری نینگ سیلاوده بیطرف بولیشلری اوچون فرمان صادرایتدی

Image copyright AP

سیلاوشفاف وعادلانه اوتکزیلیشی مناسبتی بیلن همده اداری ایشلررسمیلری نینگ جمهوررییس لیک سیلاوی نینگ ایکینچی دورگه اره لشمس لیکلری اوچون جمهوررییس کرزی تمانیدن فرمان صادرایتیلدی.

فرمانده سیلاولرمستقل کمیسیونی گه لازم قدر یاردم بیریش، خوفسیزلیک نی تامین لش، سیلاولرده بی طرف بولیش، آوازبیروچی لرگه هیچ قنده ی ممانعت بولمسلیک، شونینگدیک سیلاولرده دولت رسمیلری تمانیدن خاص کاندیدنفعی گه ایش قیلمس لیک شونگه اوخشه گن قانون لایحه سیدن باش تارتمس لیک لرتوغریسیده ذکرایتیلگن.

بوندن آلدین کرزی جنابلری اداری ایشلررسمیلری نینگ ایککی مرتبه سیلاولرده بی طرف بولیشلرینی تاکیدله گن ایدی.

افغانستان جمهورریسی حامدکرزی فرمان صادرایتیشی بیلن دولت رسمیلری اوزلری نینگ سیلاوده طرف سیزایکن لیکلرینی حفظ قیلیشمه گن حالده، قانونی جزاکوریشلرینی اظهارایتگن.

شونینگدیک، نامزدلرنینگ مراسم لرده چقیریشلردن آلدینی آلیش اوچون کرزی جنابلری نینگ بیرگن فرمانیدن بیری بولگن. دولت طرح لری، آوازبیریش مرکزلریگه کیریش، رسمی ایشچیلرنینگ سیلاولرده تنیشتیریش همده اولرگه ساووغه بیریش لروسیلاونینگ اطلاعاتلرینی اعلان قیلمس لیکلری ذکرایتیلگن.

کرزی جنابلری نینگ فرمانیده کیلیشیچه:«اداری ایشلررسمیلری بوفرمان نینگ بیرینچی ماده سیگه قانون بوزرلیک قیلسه لر، قانون بوزرلیک تثبیت بولگن صورتده ، ایزلش اوچون اولرنی عدلیه اداره سیگه معرفی ایتیلیشی درکار».

عکس حالده افغانستان مملکتی نینگ دولت رسمیلری، باشقه مملکت لرگه اوخشب سیلاوده نامزدلردن حمایه ایتیشگه رخصت بیریلمه گن.

سیلاونینگ ایکینچی دورباشله نیشی بیلن هرایککی ایتکچی نامزداوزکمپاین لری نینگ ولایتلرده قیزیق بیرشکلده یولگه قوییب کیلماقده لر. بولردن داکتراشرف غنی احمدزی ولایت کمپاین لری آقیمیده بوکون شمالی شبرغان شهری بولگن جوزجان ولایتیگه یتیب باردی. احمدزی جنابلری اوشبوییغینده شبرغان شهری نینگ قیته قوریش همده اهالی اوچون ایش زمینه سینی یره تیشینی ایتیب، اوشبوولایتده بولگن زنگاری آلاونی قیته قوریش همده بوساحه ده عالی اوقو یورتینی ایجادقیلیشینی ایتگن:"«عین حالده شونی اعلان قیله من که، بیزنینگ حکومتی میزجوزجان همده سرپل ولایتلریگه بوله دیگن دواملی یاردم لربیلن بیرگه بوله دی. وبونینگ آلدیده جوزجان ولایتی هیچ بیرولایتدن کم ایمس. بیزنینگ تیم میزبیرلیک واراده لی بیرتیم دیر. هیچ بیرافغان باشقه بیرافغان دن کم ایمس.»

شونینگدیک، داکترعبدالله عبدالله هم کمپاین مقصدیده بوکون غورولایتیگه سفرقیلگن. اونینگ سوزچیسی بولگن فضل الرحمن اوریا بی بی سی بیلن بولگن بیرصحبتیده کابلده بولگن بیرییغنده ننگرهارولایتی نینگ آقساقلرینی داکترعبدالله تیمی دن حمایه ایتیشلرینی تاکید له دی.

«توغریدن هم چغچرانده، وبوکیچه کابلده ساعت 7 ده ننگرهارولایتی نینگ آقسقال یاش اولوغلری کیلیب، داکترصایب عبدالله دن اوزحمایه لرینی اعلان ایتیشه دیلر.»

شوترتیبده، عبدالله جنابلری کمپاین جریانیده بادغیس ولایتیگه هم سفرقیلگن. او سیلاولرنینگ بیرینچی دوریده بادغیس ولایتیدن اکثریت آوازنی قولگه کیریتگندی.