میمنه ده ماین پارتله شی عاقبتیده اوچ کیشی هلاک بولدی

Image copyright bbcuzbek

فاریاب ولایت رسمیلریگه کوره،اوشبو ولایت مرکزی میمنه شهریده بیر ماین پارتلشی نتیجه سیده 3 کیشی اولیب 11 کیشی یره لنگن، هلاک ایتیلگن لردن بیری عیال بولگن.

فاریاب پلیس اداره سی نینگ سوزچیسی سید مسعود یعقوبی بو حادثه نی تصدیقلب ماین بیر عیال تامانیدن سوو سقلنه دیگن ترموزده جایلشتیریلیب اهالی گوجوم بولگن محلده قوییلگنینی ایتدی.

محلده گی گواه لرنینگ معلوم قیلیشیچه بورقع کییلگن بوعیال ماین اورنه تیلگن ترموزنی محلگه قویگچ کیین اوزی محلنی ترک ایتیشیدن کوپ مدت اوتر-اوتمسی ماین پارتلب کیتگن.

فاریاب رسمیلریگه کوره، یره لنگن شخصلر برچه سی تینچ فقرا بولیب اولرنی دوالش اوچون مرکزی کسلخانه گه ییتکیزیلگن.

اونگه کوره، بورقع تگیده بولگن عیال محل دن قاچیب قوتیلیشگه موفق بولگن.

فاریاب رسمیلری حادثه نی طالبان عصیانچیلریگه نسبت بیریب اولر سیلاو نی ایزدن چیقه ریش اوچون شونده ی عمللرگه قول اوریب کیله یاتگنینی تیلگه آلگن.

سونگی وقتلرده فاریاب ولایتی نینگ ایریم حدودلری شونده ی پارتلش وناقرارلیک لرگه گواه بولیب کیلماقده.

بوندن بیرنیچه هفته آلدین هم میمنه شهری ده پلیس رینجر نقلیه واسطه سی یقینیده ماین پارتلب پلیس وعادی اهالی نیچه کیشی نی یره لنتیرگن ایدی.