طالبان محبوسلری نینگ آزاد ایتیلیشیگه جمهوریتچیلر حزبی نینگ مخالفتی

امریکا عسکری نینگ طالبان محبوسلریگه المشیشی امریکاده سیاسی حزبلر اره سیده قرشیلیک لرگه سبب بولگن، جمهوریتچیلر حزب طرفدارلری باراک اوباما دولتی نینگ بو حرکتی امریکالیک لر حیاتینی خطر آستیگه قوییدی دیب اگاه لنتیرگن.

افغانستان دولتی محبوسلر قندی شرطلر اساساسیده آزاد ایتلگنی باره سیده هیچ قندی معلومات گه ایگه بولمی جدیت بیلن مناسبت بیلدیردی.

محبوسلرنی آلمشتیریش خصوصیده افغانستان حکومتی آلدین دن آگاه بولمی بو ایش عملی بولگنیدن سونگ خبردار بولگن.

افغانستان تشقی ایشلر وزیرلیگی امریکا ایلچیخانه سیگه بیر مکتوب یولب بو بیش کیشی افغان وطنداشی اوچینچی بیر مملکت گه تاپشیریلمسگلی کیرک ایدی دیب اعتراض بیلدیرگن.

بیراق افغانستان تینچلیک عالی کینگشی بو شخص ازاد ایتلیشی صلح جریانیگه یاردم بیریشی گه امید بیلدیرگن.

اما امنیتی منبع لر فکرلری فرقلی. اولرگه کوره بو بیش کیشی کوپ مشق و تیارگرلیک لردن اوتگن بولیب کینگ علاقه لر گه ایگه بولگن. همده بولر اوته خطرلی بولگنینی ایتگنلر.

جمهوریتچیلر حزبی نینگ مهم سناتورلریدن جان مکین قطردولتی گه تاپشیریلگن شخص لرنی اوته خطرلی شخص لر جمله سیدن ایکنی باره سیده فکر بیلدیرگن. 28 یاشیده بولگن بویی برگدال اوتگن شنبه کونی افغانستانده فعالیت آلیب باره یاتگن امریکالیک لرگه تاپشیریلدی.

جمهوریتچیلر حزبی نینگ بیرنیچه اعضاسی اوباما دولتی نینگ بوقراری باره سیده صحبت قیلییب بو ترورچی گروه لر بیلن " ناتوغری مذاکره" توشینچه سیدن دلالت بیره دیب دیب ایتگن.

سی بی اس تلویزیون ترماغی گه صحبت قیلگن جان مکین " قوییب یوباریلگن طالبان رهبرلری " مینگلب شخص اولیمی گه مسوول بولیشی ممکن لیگینی ایتیب و اولر" قیته اوروش گه کیریشدن " خواطربیلدیرگن.

امریکا سنا مجلیسی نینگ اطلاعات کمیته سی رییسی مایک راجرز ایندی امریکا القاعده نینگ گیراو تهدیدلریگه نرخینی انیق لب بیردی دیب ، باراک اوباما نینگ بو حرکتینی قتیتق قاره له گن.

برگدال جنابلری دوالش اوچون آلمان گه آلیب باریلگن، اونینگ اته سی برگدال وضعیتی یخشی بولگنینی ایتگن.