يازووچي هدايت الله هدايت 62 ياشيده عالم دن اوتدي

او بوگون مزارشريفده گي اوييده سرطان كسلليگي طفيلي عالم دن اوتدي. هدايت الله هدايت حيات دوريده قطار اثرلر يره تيب، خلققه كته خذمت قيلگن.

اوتيزدن آرتيق اثر يره تيب، مكلمل روشده چاپدن چيقه ريلگن بابرنامه نامه اثري اونينگ بي بها خذمت لريدن سنه له دي.

مرحوم هدا یت الله هدایت 1331 ییل فاریاب ولایتی نینگ قیصار تومنیده توغیلگن.

يازووچي و او بيلن يقيندن تنيش بولگن صالح محمد حساس، هدايت الله هدايت اوزبيك خقليگه كته فرهنگي خذمت لر قيليب كيتدي، دييدي.

اونگه كوره، هدايت نينگ اوليمي يازووچيلر و اوزبيك خلقي اوچون كته يوقاتيشگن بولگن. مرحوم اوزبيك تيليده خذمت قيله ياتگن نشریه لرده هم مقاله يازيب، يقين دن همكارليكده بولگن. او دولت قطار اداره لريده وظيفه بجريب كيلگن. جمله دن افغانستان معارف وزيرليگي نينگ تآليف وترجمه اداره سي اعضاسي، فارياب ولايتي قيصار تومني حاكمي، فارياب اوقيتووچي تربيه لش اداره سي رييسي، بلخ طبيات فاكلته سي استاذي، بلخ بيليم يورت رييسي، فارياب حاكمي و افغانستان اخبارات ومدنيت وزيري صفتيده ايش بجرگن.

هدايت الله هدايت ينگي تيزيم اورته كيليشي بيلن اساسي قانون نينگ لوي جرگه سيده قتنه شيب، اوزبيك ـ توركمن تيلي رسميت گه تنيليشي توغريسيده هم سعي وحركت آليب بارگن.