نیگه اوزبیک ژورنالیست قیزلری نینگ مطبوعاتده سانی آزکورینه دی؟

مزارشریفده اوتگن اون ییل ایچیده خوفسیزلیک انچه لیک تامین بولیب، عالی اوقو درگاه لری نینگ هربیربولیمیده اوغیل قیزلرنینگ کتته علاقه بیلن اوقیشلری سانی هم آشگن.

بولیملردن بیری ژورنالیزم لیک هم اوزاورنینی تاپیب کیلماقده، بوبولیمده خاص علاقه بیلن تحصیل آله دیگن یاشلردن اوزبیک قیزلرنینگ سانی هم آزمونچه ایمس.

لیکن، اولرنینگ اکثریسی بوساحه ده ایشلشدن تشویش بیلدیرماقده. مکرم سادات بوساحه ده ایشلشنی جوده آرزو قیله دی، لیکن عایله سی اونی بوساحه ده ایشله شیگه توسیق ایجاد قیلگنینی بیلدیره دی.

ایندی مکرم نینگ عایله سی اونی بوساحه ده ایشلشیدن قورقرایکن، لیکن ینه بیراوزبیک قیزلریدن بولگن فیروزه ایسه، بو بولیمنی تنله گنیدن خرسند کورینه دی. او نه فقط یلغوزگینه طلبه بولگن، بلکه بلخ ولایتی نینگ خصوصی رادیولریدن بیریده هیچ قنده ی خوف بیلن وظیفه بجریب کیلیشینی اورغولب، اوزهمقطارلریگه بونده ی دییدی.

افغانستان نینگ اکثری ولایتلریده عیاللراوچون اویدن تشقریده ایش قیلیش زمینه سی انچه قیین، خاص قیلیب ایتگنده اوزبیکلرنینگ عیاللری اوچون اوته قیین. شکیلاایسه انه شولردن بیری. اونینگ ژورنالیست لیک ساحه سیده اوقیشنی بیتتیریب چیقیشی هم اوزبیکلر اورته سیده بولگن ایریم رسم ورواجلرگه قربان بولیشینی نمایان ایتماقده. شکیلا اوزی نینگ ژورنالیزم لیک بولیمیگه بولگن علاقه سینی جوده ناامیدلیک بیلن بیان قیله دی.

«مین خواهله یمن وظیفه آلسم رادیوده ایشله سم، اما فامیلیم ممانعت قیله دیلرچون اجازه فامیلیم یوق. مین خواهله یمن رادیوویاتلویزیونده ایشله سم لیکن فامیلیم ایته دیلرکه سین قیزباله سن، سینی ایرککلربیلن بیرگه ایشله شگه قویمه یمیزدییدیله. سین هرتمان کیته سن بیزقورقه میزدییشه دیلر. بیزاوزبیک قیزلری ایسته یمیزکه ایشله سک ترقی قیلسک، چونکه بیزلرهمیشه شونده ی آرقه قالیب کیلگن میز. مین اوزیمگه ایش هم تاپدیم، لیکن فامیلیم اجازه بیرمه دیلرایتدیلرکه، اگرسین رادیوده ایشله سنگ بیزنینگ قوم وقرینداشلریمیزملامت قیلیشه دیلر.»

افغانستانده عیاللرنینگ حقوقینی تامینلنیشی فقط گینه اصطلاح شکلده ایشله تیلیب کیلینماقده. اولراوچون ایش زمینه لری قنچه لیک یره تیلمه سین، لیکن اکثری تماندن ویاهم بعضی عایله لرتمانیدن تورلی معمالرگه دوچ کیلیب توره دیلر. بونده ی قیین چیلیکلراوزبیک عیاللرینی هم اوزگردابیگه سالیب کیلگن.