پاکستانده گی اوزبیک لر: بامبه چیمی یا بلاگردان؟

پاکستانده گی طالبان مملکت نینگ اینگ ییریک هوا قونالغاسی بولگن کراچی هواقونالغاسیده گی هجوم مسوولی ایکنینی ایتگن. هجومده اون نفر جنگری داخل کمیده 28 کیشی هلاک بولگن.

پاکستان رسمیلری بو کبی هجوملریده کوپینچه افغانستان بیلن چیگره ده پناه تاپگن خارجی جنگری لرینی عیبلشه دی.

القاعده گه علاقه سی بار دیب ایشانیله دیگن اوزبیکستان اسلامی حرکتی پاکستان نینگ قبیله لر یشیدیگن شمالی وزیرستان منطقه سیده اوز قرارگاه لریگه ایگه بولگن، اما حاضرده گروه نینگ قنچه لیک کوچگه ایگه ایکنی نامعلوم.

اوزبیک جنگری لری بوند اول 2012 ییلده پیشاور هوا قونالغاسیده همده 2011 ییلده کرچیده گی حربی دینگیز کوچلری قرارگاه سیده عملگه آشیریلگن ییریک هجوملر اوچون مسووللیگی دعوا قیلینگن ایدی.

اما پشاوردن ژورنالیست رحیم الله یوسفزی بی بی سی گه ایتیشیچه، پاکستان رسمیلری حاضرگه قدر بو باره ده انیق دلیل لرنی نمایش ایتیشمه گن.

رحیم الله یوسفزی: بیله سیزمه، بو کبی دعوالرنی رسمیلر هر بیر هجوم دن کیین قیلیب کیلیشماقده. بوگل اولر بعضی هجومچیلرنینگ تشقی کورینیشگه اوزبیکلرگه اوخشیدی، دیب ایتیشه یاپتی.لیکن تشقی کورنیش اولرنینگ اوزبیک ایکن لیگی نینگ دلیلی ایمس – کو چونکی بیز اولرنینگ اسمی نی شخصی نی بیلمی میز، اولرنینگ صورتلری مطبوعات گه آشکار ایتیلمه گن. قندی دعوانی فقط گینه بیر حربی ملازم قیلدی. ترورگه قرشی عملیات اتلگن جاری عملیات لرده حکومت کوچلری، پلیس مخصوص کوچلر – بولرنینگ همه سی اشتراک اشتراک ایتماقده، لیکن اولردن بیرانته سی بو کبی دعوانی قیلگنی چه یوق. بیرگینه رسمی نینگ اوزی بو نهای خلاصه دیب ایتمه گن بولردیم. بوباره ده به تفصیل تیکشروو اوتکزیشینی کوتیشیمیز کیرک.

بی بی سی : خارجی – انیقسه اوزبیک جنگری لری پاکستان رسمیلری اوچون نقاب لیک لرینی اقلش واسطه سیگه ایلنگن دیب ایتیشیمیز ممکن می؟

رحیم الله یوسفزی: بیله میز اگر خارجی جنگری لر بولسه هم، اولرنینگ همه سی محلی جنگره لر. بو ییرده معما جنگره لر خارجی می ، محلی دیگن مساله ده ایمس، معما پاکستان خوف سیزلیک تیزیمیده گی اولکن باشلیق ده. مهمی جنگره لر پاکستان نینگ اینگ ییریک و اینگ قتیق قوریق لنه دیگن هوا قونالغاسی نینگ خوف سیزلیک توسیق لریدن اوتیب ییریک هجومنی عملگه آشیریشگه موفق بولگن. پاکستان رسمیلری بو هجومنی پاکستان لیک لرایمس اوزبیک لر قیلدی دیگنی بیلن مسوولیت دن قوتیلیب کیته آلمیدیلر.

بی بی سی : عموما، پاکستان نینگ شمالی وزیرستانیده هنوز بار دیب ایشانیله دیگن اوزبیک جنگره لری شوندی ییریک هجومنی عملگه آشیریشگه قادر دیب ایشانه سیزمه؟

ایشانمیمن. چونکی اولرنی اسان گینه ته نیب قالیشلری ممکن. نیمه بولگنده هم اولر محلی اهالیدن فرقلی. هوا قونالغاسی ایچکریسیگه چه کیریب باریش محلی آدملر اوچون آسان راق خارجی جنگره لر محلی تیلده هم یخشی گپیرمیدیلر.هجومچیلر بونی حسابگه المسلیک لری ممکن ایمس ایدی. شونینگ اوچون هم مین اوزبیک لر قیلگنی حقیده گی دعوالرگه شبهه بیلن قریمن. اوتمیش ده هم شوندی دعوالر قیلینگن اما هیچ قندی دلیل کورسه تیلمه گن.

بی بی سی : سونگی پیتلرده اوزبیک جنگره لری نینگ بیر قسمی سوریه ده جنگ قیله یاتگنلری حقیده هم ایشانچلی خبرلر آلینه یاپتی شوندی ایکن پاکستان ده قالگن اوزبیک لرنینگ سانی حقیده نیمه بیله میز؟

رحیمی الله یوسفزی: افغانستان – پاکستان چیگره سیده گی اوزبیک جنگره لری یاکی القاعده بیلن علاقه سی بار باشقه گروه لرنینگ سوریه گه اوتگنی حقیده گی خبرلرهم تصدیق لنمه گن اولر سوریه گه باشقه حدودلردن بارگن بولیشلری هم ممکن. مینینگ بیلیشیمچه، اوزبیک لرنینگ کوپچیلیگی بیر کون کیلیب وطن لریگه قیتیشگه امید قیلیشه دی. شوندی ایکن اولر سوریه گه نیگه بارسینلر؟ اوزبیکستان گه یقینراق جایده تورگنلری معقول ایمس می؟پاکستان نینگ قبیله حدودلری اساسن شمالی و جنوبی وزیرستانده بیر نیچه یوز اوزبیک لر بار ایدی، اولردن بعضی لری جنگ لرده هلاک بولگن بعضی لری ایسه اوزبیکستان گه یقین افغانستان شمالیگه کوچ ایتگنلر.