احمدزی و عبدالله سیلاو لرده جدی قانون بوزرلیک لرنینگ روی بیرگنینی ایتماقده

عینی دمده افغانستان سیلاو لریده نامزد اشرغنی احمدزی کابل ده مطبوعات یغینی یولگه قویب قانون بوزرلیکلر امنیتی اداره اعضالری تمانیدن یولگه قوییلگنینی ایتگن.

او قلابکارلیک لرنینگ یولگه قوییلیشی خصوصیده ایترلی حجتگه ایگه بولگن لرینی معلوم قیلیب بو حجتلری افغانستان مستقل سیلاو کمیسیونیگه اختیاریده قوییلیشنی تاکید له گن .

احمدزی جنابلری قانون بوزرلیکلرگه یول قویگن شخص لرنینگ تیکشرلیشنی طلب قیلگن.

احمدزی جنابلری هم عبدالله عبدالله دیک اوزگروهی نینگ موفقیت گه ایرشگنیگه اشارت قیلگن.

بیراق او قانون اساسیده سیلاو لرنینگ رسمی نتیجه سینی کوتیشنی ایتگن .

افغانستان جمهور رئیس لیک سیلاو لریگه نامزد بولگن اشرف غنی احمدزی اهالی نینگ سیلاولرده اشتراک ایتگنی اوچون منت دارلیک بیلدرگن .

جمهور رئیس لیک سیلاو لریگه نامزد عبدالله عبدالله کابل ده مطبوعات یغینی یولگه قوییب اهالی سیلاو نتیجه لرینی صبر سیزلیک بیلن کوته یاتگنینی ایتگن. او عینی دمده غلبه قازانگن شخص نینگ معلوم بولگنینی تاکید لب مستقل سیلاو کمیسیون نینگ رسمی نتیجه لرینی کوتیشنی ایتگن .

" بوتون ملت گه سیلاو لرگه اشتراک ایتگنلری اوچون منتدارچیلیک بیلدره من . بوندی مهم کونده افغانستان امنیتنی تامین له گن افغانستان کوچلریگه رحمت"، دیب ایتگن عبدالله عبدالله

عبدالله جنابلری افغانستان خلقی اونگه ایشانیب آواز بیرگنینی ایتیب، اولرنینگ آواز لرینی سقلشگه وعده بیردی اوز سوز لریده.

" سیلاو جریانیده معمالر بار ایدی. ساخته کارلیکلر روی بیرگن، بیزبو شکایت لرنینگ تولیق بیرشکلده تیکشرلیشنی طلب قیله میز. " دیب ایتگن عبدالله عبدالله.

عینی دمده او مستقل سیلاو کمیسیونی و شکایت لرنی تیکشریش کمیسیونی ساخته آواز لرنی حقیقی آواز لرایچیدن چیقاریب تشلشده حرکت قیلیشی کیرک دیب تاکید له گن.

افغانستان مستقل سیلاو کمیسیونی باشلیغی یوسف نورستانی نینگ ایتیشیچه ایککینچی دور سیلاو لرده ۷میلیون دن آرتیق شخص اشتراک ایتگن .

اونگه کوره بولردن ۳۸ نی عیاللر و ۶۲ نی ایسه ایرکک لر تشکیل بیره دی .

Image copyright AFP Getty Images

برینچی دور سیلاو لرده ۶ میلیون ۸ مینگ کیشی نینگ اشتراک ایتلگنی معلوم قیلنگندی.

نورستانی جنابلری جمهور رئیس لیک سیلاولریگه نامزد بولگن لردن آغیر باسیق بولیشلرینی طلب قیلیب نتیجه لر توغری سیده هرقندی سوز ایتیشدن تیلیش لرینی سوره گن .

مستقل سیلاو کمیسیونی باشلیغی گه کوره بوگون ۶۱۸۴ سیلاو مرکزی آچیق بولگن و 140 مرکز ایسه امنیتی معما لر باعث یاپیلیب قویلگن.

اونگه کوره سیلاو ناظر لرنینگ حضوری و کیفیتلی امکانیت لرنینگ تامین له نیشی سیلاو لرنی شفاف بولیشگه زمینه یرتگن .

فاریاب ولایتده آواز لرنی سنش جریانی باشلنگن.

Image copyright bbc uzbek

هرات ولایتیده آواز لرنی سنش جریانی

Image copyright bbc uzbek

مستقل سیلاو کمیسیونی امنیتی مشکللر باعث 120 گه یقین سیلاو مرکزی آچیلمی قالگنینی ایتگن

Image copyright bbc uzbek

سيلاو شمالده يكونلدي، آوازلر سنه لماقده

Image copyright AFP

افغانستان جمهور رييسليك ايككينچي دور سيلاولري بوگون مملكت بويلب بوليب اوتدي. اما ايريم حدودلرده خوفسيزليك معمالر پيدا بولگني، بيرقطار آدملرنينگ آواز مركزلريگه باريشيني توسيب قويگن. محليده گي زوره وان شخصلر قوراللي مخالفلرگه نسبتآ، جدي معما توغديرگني ايتيله دي.

شونگه قره مسدن، شمالي ولايتلرده اهالي آلدينگي سيلاو ديك، بو مراتبه هم كينگ اشتراك ايتيشگن. عياللرنينگ حضوري ايرككلرگه تينگ كيله ديگن درجه ده بولگن.

شمالي بلخ ولايتيده سيلاو جرياني بوگون ايرته لب ساعت 7 ده باشلنگن. اما بو لايتده محلي زوره وان شخصلرنينگ سيلاو جريانيگه اره لشگني، ولايت سيلاو كميسيوني مسوللريني تشويشگه سالگن. كميسيون رييسي عزت الله ارمان، ولايت نينگ زاري و چمتال تومنلريده كميده بيش آواز مركزي ني اره لشوو و تينچسيزليك سبب ياپيب قويگني ني معلوم قيلگن.

عين حالده، نامزدلرنينگ بلخ ده گي كمپاين مسووللري هم سيلاو جريانيده اره لشوو عملگه آشيريلگني دن شكايت قيليشگن. تحول وتداوم مسووللري بولايتده محلي زوره وان شخصلر باشقه نامزدنينگ فايده سيگه قلابككه قول اورگني ني ادعا قيلگن.

بوگون بلخ حاكمي عطامحمد نور آواز بيريش مقصديده قيلگن چيقيشيده، سيلاو جريانيده معمالر موجودليگي ني ايسله تيب، سيلاونينگ شفافليگي حقيده گي تشويشلريني دنيا همجعيتي رسميلري گه ييتكزگنليكلريدن گپيردي.

اما شونگه قره مسدن بلخ ولايتيده آدملر آواز بيريشگه آلدينگي دورگه قره گنده، بو دورده كينگ شكلده اشتراك ايتيشگن.

Image copyright AFP

ايككينچي دور سيلاو شمالي ولايتلرده آلدينگي ديك كته تهديد و حادثه لر گه گواه بولمه گن. فاريابدن آلينگن خبرلرگه كوره، ميمنه ده آواز بيريش مركزلريدن بيريده پارتلش يوز بيريب، نيتجه ده اوچ پوليس و اوچ عادي اهالي يره لنگن. محل مسووللريگه كوره، ماين قوراللي مخالفلر تمانيدن اورنه تيلگن بوليب، جريانگه كته تاثير سالمه گن.

بوندن تشقري، عبدالله عبدالله و اشرف غني احمدزي نينگ طرفدارلري اورته سيده يوز بيرگن بير لفظي تارتيشوو، آتيشمه گه ايله نيب، اوچ كيشي نينگ تن جراحت آليشي گه سبب بولگن.

بو طرفدارلر بير بيراولريني قلابلليككده عيبلشگن.

فارياب نينگ گرزيوان تومني ده هم بير نامزد فايده سيگه صندوق تولديريلگني، باشقه نامزد نينگ طرفداري نينگ شكايتي گه باعث بولگن.

عين دمده، جوزجان ولايتيده سيلاو تينچ و برقرارليك فضاده اوتكزيلگن. اما ولايت نينگ قوش تيپه تومنيده طالبلر راي بيريش محللريدن بيريگه هجوم قيليشگن، ليكن هجوم نتيجه سيز يكولنگن.

جوزجانگه قوشني سرپل ده ايسه، سيلاو جرياني بوگون تينچ ليك بيلن اوتكزيلگن. ليكن طالبلر اوتگن كيچه بير نيچه خوفسيزليك پوسته لرگه قرشي هجوم قيليشگن، اما سرپل امنيت اداره سي رييسي سخي داد حيدري نينگ ايتيشيچه، هجوم بيرار بير ضرر ييتمه گن. ايتيليشيچه، بو لايتده اهاليسي كينگ اشتياق بيلن سيلاو ده قتنشگن و قلابليك عملگه آشيريلمه گن.

اما سمنگان دن آلينگن خبرلرگه كوره، او ولايت نينگ خرم و چهارباغ تومنلريده آواز بيريش قاغازلري ييتمه ي قالگن. بو مسله نامزدلرطرفدارلري نينگ شكايتيگه هم سبب بولگن. بيز سمنگان سيلاو مستقل كميسيوني مسووللري دن مسله ني اورگنماقچي بولديك، اما اولر تيلفونيميز گه جواب قيترمه ديلر.

سيلاو شمالي ولايتلرده تينچ اوتكزيليب، بوگون ساعت 4 ده يكونلندي. حاضر ايسه، آوازلرني سنه ش جرياني باشلنگن. بو ايككي نامزد دن قيسي بيري آلدين ايكني حاضرچه معلوم ايمس.

افغانستانده کی جمهور رئیس لیک سیلاو لری نینگ ایککینچی دوری رسما نهایه تاپتدی.افغانستان مستقل سیلاو کمیسیونی کیلسه بیر ساعت ایچیده بولیب اوتگن جمهور رئیس لیک سیلاو لرنینگ تفصیلاتینی مطبوعات اعلام ایتماغچین.

Image copyright Reuters

مستقل سیلاو کمیسیونی سوزچی سی نور محمد نور آواز بیریش جریانی ساعت تورتده نهایه تاپگنینی معلوم قیلگن.

اونگه کوره آواز بیریش مرکزده تورگن شخص لر آواز بیریش فرصتیگه ایگه بوله آلهدی لر .

بیرلگن آواز لرنی سنش جریاننی ایرم مرکز لرده عبدالله عبدالله و اشرف غنی احمدزی لرنینگ ناظرلر حضوریده سنلماقده.

Image copyright bbc uzbek

هرات ولایتی نینگ حاجی عباس محله سی ، جبریل شهرکی و صوفیان قیشلاقیده آواز کاغذ لری ساعت 11 ده توگه گن.

هرات شهر ی نینگ حاجی عبا س محله سی ، جبریل شهرکی . صوفیان قشلاقی ده اواز ورقه لری ساعت 11 ده تمام بولگن .

Image copyright bbc uzbek

عینی دمده انیق نامزد لرنینگ طرفدار لری کاغذی بولگن آواز بیریش مرکزیگه آلیب باریش اوچون اوز موترلریدن قولنماقده.

Image copyright bbc uzbek

عبدالله عبدالله طرفدار لری هرات ولایتی ده اولرنینگ اوچ نفر ناظرلری طالبان تمانیدن اولدیرلگنینی ادعا قیلگن بیراق بو خبر رسمی بیرشکلده تصدیق لنمه گن .

Image copyright bbc uzbek

افغانستان مستقل سیلاو کمیسیونی باشلیغی محمد یوسف نورستانی سیلاو لرنینگ مملکت بویلب دوام ایته یاتگنینی ایتیب حاضرگچه جدی امنیتی حادثه نینگ روی بیرمه گنینی ایتگن.

کابل ده یولگه قوییلگن مطبوعات یغینیده او۶۲۰۴ آواز بیریش مرکزی نینگ آچیق بولگنینی ایتیب ۴۰ آواز مرکزیگه سیلاو برگه لرنینگ یوبارگنینی ایتگن .

نورستانی جنابلری ایرم مرکز لرده سیلاو کاغذ لرنینگ توگپ قالگنینی معلوم قیلیب بیراق مرکز لرگه سیلاو کاغذ لرنینگ ایتکزیب بیریشگه قادر بولگنلرینی تاکید له گن .

ایرم سیلاو ناظرلری ایسه مرکز لرده محلی دولت ملازم لرنینگ ارلشگنینی ایتماقده.

Image copyright bbc uzbek

جمهور رييسليككه نامزد اشرف غني احمدزي نينگ بيرينچي معاوني جنرال عبدالرشيد دوستم بوگون مزارده آواز بيردي. او قتيق خوفسيزليك چاره تدبير آستيده اويي نينگ يقينيده جايلشگن آواز مركزيگه باريب، راي بيردي.

دوستم نينگ راي بيريش جريانيگه عاموي اخبارات واسطه لري چقيريلمه گندي و ژورناليستلرگه هم رخصت بيريلمه دي.

عين حالده، بلخ حاكيمي عطا محمد نورايسه، ولايتده گي مطبوعاتچيلر حضوريده مركزلريدن بيريگه باريب، آواز بيردي. او سيلاو شفاف بوليب اوتگن حالده، نتيجه لريگه حرمت قايل بوليشي ني معلوم قيلدي.

Image copyright bbc uzbek

بلخ ده بوليب اوتگن سيلاو قتيق چاره تدبير آستيده اوتكزيلدي. يوزلب خوفسيزليك كوچلري آواز مركزلريني قتيق توتيشگندي. هر بير آواز بيرووچي شخص خوفسيزليك كوچلري تمانيدن تيكشيريلردي و بو جريان تينچ وبرقرار فضاده اوتكزيلدي.

شونگه قره مسدن بلخ ولايتي سيلاومستقل كميسيوني رييسي عزت الله آرمان، ولايت نينگ زاري و چمتال تومنلريده تورت آواز مركزي خوفسيزليك تهديدلر سبب ياپيلگني ني معلوم قيلدي. اونگه كوره، مذكور مركزلرده قوراللي مخالفلرتمانيدن ماينلر اورنه تيلگن.

بلخ ولايتيده بو دورده آلدينگي دور ديك، اهالي كته قيزيق بيلن اشتراك ايتيشدي. انيقسه، عياللرنينگ اشتراكي كته ايدي. آواز بيريش مركزلري همان آچيق بوليب، آدملر انده سنده كيليب، آواز بيريشماقده لر.

شکایت لرنی تیکشیروچی سیلاولر مستقل کمیسیونی بعضی بیر رای مرکزلرده زوروان کیشی لر و دولت مقاملری اره لشگنینی معلوم قیلدی. شونینگ دیک ایریم مرکزلرده بویاق صفتی پس بولگنی. همده کابل ده بیر قطار مرکزلرده رای قاغذلری کملیگی باره سیده شکایت بیلدیریلگن.عین حالده بعضی محللرده کمیسیون خادملری خبرنگارلرنی عکس الیش و مرکزلرگه کیریب باریشگه ایزین بیرمه گن. شکایت لرنی تیکشرو کمیسیونیگه کوره ینه 48 ساعت شکایت قیلیش اوچون وقت موجود، اون کون ایچیده بو شکایت لراوشبو کمیسیون تامانیدن تیکشریله دی. حاضرگه قدر 24 شکایت بو کمیسیون گه رسمی شکلده ثبت ایتیلگن.

Image copyright .

لوگر ولایتی پلیس قوماندانی نینگ سوزچیسی دین محمد درویش گه کوره بو لایت نینگ خوشی تومنیده بیر راکت آتیلگن. اونینگ معلوم قیلیشیچه بو واقعه ده بیر کیشی هلاک بولیب وباشقه ایکی کیشی هم یره لنگن.

شونینگ دیک او بوگون ایرته لب خوست شهریده چیقیندی لر تشلنه دیگن ایدیشده جایلشتیریلگن ماین پارتله گنی نی ایتیب اما تلفاتی بولمه گن.

درویش جنابلری ناتینچلیکلر اهالی نینگ سیلاوده قتنه شیش جریانی نی آلدینی آله آلمه گن.

بوندن بیرنیچه ساعت الدین مزارشریف شهریده جایلشگن اوچ رای مرکزی زوروان شخصلر اره لشگنی باعث یاپیلگن ایدی. اوشبو ولایت مستقل سیلاو کمیسیون رییسی نینگ ایتیشچه بو مرکزلر قیته آچیلگن.

Image copyright BBC World Service

قندهارده گی بی بی سی مخبری گه کوره قندهارشهریده گی ایریم آواز بیریش مرکزلریده آواز ورقلری توگه گن.

اونگه کوره سیلاوده اهالی اشتیاقی کته بولگن. شونینگ دیک بو جریانده عیاللر حضوری هم کینگ بولگن.

خوستده گی بی بی سی مخبری بو ولایت نینگ 20آواز بیریش مرکزیده آواز بیریش ورقلری توگب قالگن. آواز ورقلری نینگ توگب قالیش مساله سی اوتگن دورگی سیلاونینگ معمالریدن بیری ایدی.

بامیانده گی بی بی سی مخبری عبدالله شایگان اوتگن کیچه پلیس قرارگاه لریدن بیری هجومگه توتیلیب بیر کیشی اولیب وباشقه ایکی کیشی تن جراحت آلگنی دن خبربیره دی.

اما بو واقعه سیلاو جریانی نی ایزدن چیقرمه گن. وسیلاونورمال حالتده دوام ایتماقده. اماسیلاوچی لراوزون صف لرنی تشکیل بیریشمه گن.

Image copyright AP

ننگرهار ولایتی نینگ جلال آباد شهریده بیر عیال صورتی

عیاللرنینگ بوگلگی سیلاوده اشتراک ایتیش میزانی کوزگه کورینرلی بولگن. جنوبی ولایت لرده گی مخبرلرآواز بیریش مرکزلریده اوزون صف لرتشکیللشگنی نی ایته دیلر.

ننگرهار ولایتی ده گی بی بی سی مخبری ببرک میاخیل نینگ ایتیشیچه بو ولایت نینگ تومن لریدن بیریده بیرنامزدطرفدارلرینی ینه بیرنامزد طرفدارلری کلتک له گن.

اونگه کوره جلال آباد شهریده گی آواز بیریش مرکزلریدن بیریده ملت وکیللری نینگ بیری قوریقچیسی بیلن جنجل یوزه گه چیقیب اوق آتیلگن وبوواقعه دن اهالی غضبله نیب ناراضی لیک نمایشی اوتگزگن لر.

بی بی سی خبرنگاری حیات شیبان نینگ ایتیشیچه مزارشریف شهریده خاتین قیزلرنینگ اواز بیریشگه قیزیقیش لری کتته بولگن

Image copyright bb

همکاریمیز همایون حدیدنینگ ایتیشیچه،غربی هرات ولایتیده بیرینچی دور سیلاوگه قره گنده اهالی اشتراکی آز بولگن. شونینگ دیک اوشبو ولایت نینگ شیندند تومنیده گی مرکزلردن بیریده گی نظارت چیلری ناانیق قوراللی لر تامانیدن تهدید بولگنلر.

باشقه تاماندن هرات ولایتی نینگ شکایت لرنی تینگلش کمیسیون مسوولی عبدالله شیرزی بیرنیچه محلده رای ورقلری توگپ قالگنینی اورغوله گن.

لیکن حاضرگه قدر غربی هرات ولایتیده قندی دیر امنیتی معما یوزبیرگنی باره سیده خبر ترقه تیلمه گن.

Image copyright bb

شمالی بلخ ولایتیده بی بی سی مخبری حیات شیبان بیرنیچه رای مرکزلریگه باریب رای بیریش جریانینی یقیندن کوزه تگن او ایسه بارگن مرکزلریگه اهالی اشتراکی بیرینچی دور دیک کوپ بولمه گنینی ایتدی. اونگه کوره حاضرگه قدر شمالی مزارشریف شهریده هیچ قندی امنیتی معما یوزبیرمه گن.

لیکن اوشبو ولایت نینگ زاری تومنیده اوچ رای بیریش مرکزی قوراللی مخالفلر تمانیدن اورنه تیلگن ماین سبب یاپیلگن. مستفل سیلاو کمیسیون نینگ بلخ ولایتیده گی مسوولی عزت الله ارمان بو مرکزلرنی اچیش اوچون حرکت لر باشلگنینی معلوم قیلگن او شونینگ دیک چمتال تومنیده هم ینه بیرمرکز خوف سیزلیک تهدیدی باعث یاپیلیب قالگنینی اورغوله گن .

باشقه تاماندن ارمان جنابلری محلی زوروان شخصلر اره لشگنی سبب مزارشریف شهریده گی اوچ رای مرکزی یاپیلگنینی تیلگه آلگن، اما زوروان شخصلر کیم بولگنینی فاش ایتمه گن.

بیرینچی دور ده اینگ کوپ مراجعه ایته دیگن مرکزلردن بولگنی.

فاریابده گی همکسبی میز حسام الدین تویغون نینگ ایتشیچه اوشبو ولایت مرکزی میمنه شهریده رای محللریدن بیریگه پارتلش یوزبیرگن اونگه کوره، اوشبو پارتلشده اوچ نفر امنیتی کوچلر و اوچ رای بیروچی یره لنگن.

محلی رسمیلر یره لنگن لر وضعیتی آغیر بولمه گنینی تاکیدله گن لر.

Image caption پارتلش شو محلده یوزبیریب نتیجه ده التی کیشی یره لنگن

تویغون نینگ ایتیشیچه شوندی حالده هم مردم قیزیقیب رای بیرماقده ایکن.

تخار ولایتیده گی همکاریمیز مبین غفوری هم بوگون ایرته لب بیرنیچه رای مرکزلریگه باش اورگن، اونینگ ایتشیچه رای بیریش جریانی ساعت یتتی یریم ده باشلنگن.

اونینگ ایتشیچه محلی وقت بیلن توقیز دن اون دقیقه اوتگنده تالقان شهریده گی مرکزلردن بیری یقینده پارتلش یوزبیرگن هیچ کیم ضرر کورمه گن. عینی حالده مبین غفوری مردم اشتراکی کتته بولگنینی ایتدی.

Image caption تخارده اوتکن دوریده گی سیلاولردن کوره بو سیلاوگه مردم نینگ اشتراکی از راق کورینه دی .

اما مبین غفوری نینگ ایتشیچه عیاللر اشتراکی بیرینچی دور سیلاوگه قره گنده کوپ بولگن.

بوگون افغانستان بویلب رای بیریش جریانی محلی وقت بیلن ساعت یتتی ده باشلندی، سیلاو مستقل کمیسیون باشلیغی یوسف نورستانی کابلده گی رای مرکزلریدن بیرگه باریب رای بیریب برچه خلق نی رابیریشگه چقیردی.

عینی حالده نورستانی جنابلری خوف سیزلیک کوچلریدن منتدارچیلیک بیلدیریب رای مرکزلریگه کیریب بارمسلیکلری بیلن آگاه لنتیردی. همده او، بو مرته اساسی ترتیبات آلینگن ورای ورقلری توگب قالمسلیگیگه ایشانچ بیلدیردی.

نورستانی جنابلری، بیرینچی دور سیلاوده یوزبیرگن قلاب لیک لرگه نه فقط سیلاو خادملری بلکه باشقه لرهم قوللری بولگنینی اورغوله دی:" اگر بیر نامزد منفعتی و یاضرری گه هربیر ایشچیلریمیز فعالیت قیلسه و یاهم اولر قلاب لیک لرگه قول اورسه بیز اولرنی قارلاوچیلیک اداره سیگه ته نیشتیره میز."

رای بیریش جریانی محلی وقت بیلن ساعت 4 ده یکون تاپه دی.

پکتیکا ولایتیده صندوقلر بیر نامزد منفعتیگه تولدیریلگن دیگن سوراققه نورستانی جنابلری شوندی دیدی:" شوندی خبرلر بیزگه هم ییتیب کیلدی، بیز تحقیقات آلیب بارماقده میز،لیکن شوندی ایش بولگن _ بولمه گنی و کیم تامانیدن عملگه آشریلگنی حاضرگه چه انیق لنمه گن."

افغانستان بویلب 6366 رای مرکزی آچیلگن، بیش یوزدن ارتیق رای مرکزی خوف سیزلیک تهدید لر باعث اچیلمسلیگی ایتیلگن ایدی.

مستقل سیلاو کمیسیونی نینگ ایتیشیچه بومرته افغانستان نینگ 34 ولایتیده 14 میلیون رای قاغذلری یوباریلگن.

بیرینچی دور سیلاو خرجتی :

بیرینچی دور سیلاوخرجتی 121 میلیون دالر بولیب هربیر رای ایسه 9 دالر هزینه کوتارگن.

رای صندوقلری یاردمچی مملکت لرنینگ مالی یاردمی بیلن دوبی ده تیارلنگن.

سلاو دن سونگ ، کمیسیون خادملری رای مرکزلریده صندوقلرنی آچیب حساب لیدیلر ونتیجه هم اوچ فورم ده رویخط گه آلینه دی.

مذکور فورم لردن بیری کوپ اواز الگن نامزد وکیلی گه بیریله دی. و بیر نسخه سی هم مردم گه کورسه تیله دی. اوچینچی نسخه کاپیسی مستقل سیلاو کمیسیون نینگ مرکزی دفتریگه یوباریله دی.

نهایت برچه صندوقلر کابل گه ییتکیزیله دی.

جولای آیی نینگ2- سیده دستلبکی نتیجه اعلان ایتیلیب و نهایی نتیجه هم جولای آی 22 سیده اعلان قیلینیشی ممکن.