مزارشریف ده یوزبیرگن پارتلشده 16کیشی یره لنگن

بوگون ساعت 11:30 اطرافیده مزارشریف شهری نینگ محب چهاراهه سی یقینیده گی ایکینچی حوزه ده پارتلش روی بیرگن.بلخ پلیس قوماندانی عبدالرحمن رحیمی تجارتی مرکزلرمقابلیده یوزبیرگن حادثه، موترده اورنه تیلگن مقناطیسی ماین پارتله گنی عاقبتیده روی بیرگن.

او بوحادثه ده بیش تینچ اهالی یره لنگنی نی ایتگن. اما بلخ ملکی کسلخانه مسووللری بوشفاخانه گه 16نفر یره دارآلیب کیلینگنی نی ایتگن.

تن جراحتی آلگن لردن تورته سی عیال وایکیته سی کیچیک یاشلی باله بولگن.

بو ولایتده گی شفاکارلریره لنگن لردن 5نفرینی احوالی آغیرایکن لیگی نی معلوم قیلماقده.

بلخ ولایتی پلیس مسوولری بوحادثه ده قوراللی مخالف نی عیب لب سیلاوکونی اوزریجه لرینی عملگه آشیره آلمه گنی سبب بوعملگه قول اورگن لرینی بیلدیریشماقده لر.

قوراللی طالب لربو باره ده حاضرگه قدر هیچ قنده ی مناسبت بیلدیریشمه گن.

بلخ ولایتی مملکت شمالیده جایلشگن نسبتن تینچ ولایت لردن بیری حسابلنردی. سیلاودن کیین بو ولایت ده یوزبیرگن بوپارتلش ایلک حادثه سنه لیب تینچ اهالی نینگ یره له نیشیگه سبب بولدی.