تیگیرمانچیلیکدن رادیو ایگه سی بولگن شخص حکایه سی

Image caption امین الله قیومی کوپنیچه قینچلیک لرنی باشدن کیچیرگنیدن سونگ حقیقت ناملی رادیوقوریشگه موفق بولگن.

کوپچیلیک تحصیل ارقه لی اوز آرزولرینی روباگه چیقرسه اما بیرقنچه کیشی لرایسه تحصیل قیلمسدن کتته یوتوق لرگه ایگه بولگن، اولردن بیری هم تیگرمانچی امین الله قیومی. او، تیگیرمانچلیک قیله یاتگن پیتی تیگرماندن بیر حجره دن باشقه بیر حجره گه نشرات بیریش رادیو دستگاه سینی قورگن.

امین الله قیومی کوپنیچه قینچلیک لرنی باشدن کیچیرگنیدن سونگ حقیقت ناملی رادیوقوریشگه موفق بولگن. او باشلیغی بیلن اساس قوییلگن حقیقت رادیوسی حاضر ایبک شهری نینگ کوپ حدودیده نشرات بیریب کیلماقده.

حقیقت رادیو سی دفتریگه سیلاو گه عاید موضوع اوچون بارگنیمده رادیو مسوولی امین الله قیومی بیلن ته نیشیب قالدیم. عادی محلی کییمده بولگن جناب قیومی دن رادیو مسوولی کیم دیب سوره گنیمده اوزیم دیب جواب بیردی. حقیقتن هم سیزمی دیب سوره گنیمده هه مین من مین الدین تیگیرمانچی ایدیم دیب حکایه سینی ایته باشله دی:" مین اول بیر تیگیرمانچی ایدیم، بیر قوشیقچی بولیشنی شو تیگرمانده بولگنیمده آرزو قیلرایدیم>"

امین الله قیومی سککیزنچی صنف متعلمی بولگن پیتی اشوله چی بولیشگه حرکت قیلگن، لیکن آته سی وباشقه اقسقالر اونگه جدی مخالفت بیلدیرگن:" مین محلی موسیقه اسباب اسکونه لرینی ساتیب الیب تیگرمانده مشق قیلرایدیم، بیرکون اتم کیلیب سینی بو ایشنیگه ملا لر و اقسقاللر قرشی دیب برچه موسیقه اسکونه لریمنی سیندیریب تشله دی."

قیومی جنابلری اته سی نینگ بو مخالفتینی جدی بیلیب هیچ بیرزمان قوشیقچی بوله المسلیگینی سیزگن، او ینه خدا داد استعدادی بیلن رساملیککه روی کیلتیرگن:" آز مدت اوتیشی بیلن تنیقلی بیر رسام بولدیم شو تیگرمانده ، افغانستان مدنیت وخبرلروزیرلیگی تامانیدن تقدیر لندیم"

Image caption امین الله قیومی حاضر حقیقت ناملی رادیو نینگ مسوول مدیری و کوپ برنامه لرنی هم اوزی تیارلب تقدیم ایته دی.

رساملیک ارقه لی هنر دریچه سی آچیلدی دیب امید قیلگن جناب قیومی بو بولیمده هم مخالفت لر بیلن یوزمه- یوز بوله دی، بومرته هم آته سی تامانیدن:" بیراز شهرت قازانگنیمدن سونگ ایبیک شهریده کیلیب دکان آچدیم، اتم خبربولیب کلیب دکانیمنی پابدی مینی هم اوزی بیلن بیرگه الیب کیتدی."

اوبومخالفت لرگه هم قره می ایسکی رادیو و مخابره نینگ تخنیکی اوسکونه لریدن فایده له نیب بیر حجره دن باشقه بیر حجره گه نشرات بیریش رادیو دستگاه سینی قوریشگه موفق بولگن.

قیومی گه کوره رادیو دستگاه سی باره سیده مردم هم خبردار بولیب آهسته -سکین قیشلاق ادملری عادت قیلگن. انه شو ارقه لی او تیگرمان دن محلی اعلان بیریشگه هم حرکت قیلگن.

اونینگ بو فعالیتی دن اف ام رادیو قوریش اوچون تخنیکی ومالی همکارلیک قیله دیگن انترنیوز موسسه سی آگاه بولیب اونگه زمانه وی بیر رادیو قوریش تکلیفینی قیلگن.

امین الله قیومی حاضر حقیقت ناملی رادیو سی نینگ مسوول مدیری و کوپ برنامه لرنی هم اوزی تیارلب تقدیم ایته دی.

عین حالده او بو آرقه لی مالی درامد هم قولگه کیریته دی.اونینگ ایتیشیچه درامد قولگه کیریتیشی بیلن اته سی فکری هم اوزگریب کیتگن:" آتم حاضر هم تیگرمانچی مین مالی یاردم قیله من، لیکن بوموفقتیم دن حاضر جوده خرسند."

جناب قیومی نینگ تورمیش اورتاغی هم رادیو ده ایش آلیب باریب کونگیل آچر برنامه لرینی ایلگری الیب کیته دی.

Image caption قیومی نینگ تورمیش اورتاغی هم ا رادیو ده ایش آلیب باریب کونگیل آچر برنامه لرینی ایلگری الیب کیته دی.

بوندن تشقری حقیقت رادیو سی نینگ تخنیکی بولیمی هم خانم وحید انتظار ذمه سیگه اونینگ ایتیشیچه تخنیک مساله لرینی درس کورمی تورمیش اورتاغی جناب قیومیدن اورگنگن:"اسمیم وحیده، حقیقت رادیوسی نینگ مخبری من، تورت ییل دن بیری بو رادیو ده خذمت قیله من، تخنیکی مساله لرنی قیومی جنابلری نینگ اوزلریدن اورگه نیب آلگن من."

حقیقت رادیو سیده ایرکک و عیال دن عبارت بولگن اوندن ارتیق یاش فعالیت آلیب بارماقده، بوییرده ایشله یاتگن قیزلردن بیری خانم سیمانینگ ایتیشچه بوندن الدین تشقری گه چیقیب ایش قیله المس ایکن، حاضر رادیو ده ایشلب کیله یاتگنیدن جوده خرسند.همده خانم سیما کیله جکده عیاللراوز حقلریدن بهرمند بولیش امیدیده:" نیچه ییل آلدین سمنگان ولایتیده خاتین قیزلر تشقریده چیقیب ایش قیلیشگه قینه لر ایدی، سونگی وقت لرده فکرلر بیرآز اوزگرگن، لیکن ایتیلگنیچه حاضرگه قدرهم عیاللر اساسی حقلریدن بهره مند ایمس."

حقیقت رادیو سی ارقه لی حاضرگی کونده تفریحی، اجتماعی ؛ سیاسی و عیاللرگه عاید مخصوص برنامه لرتیارله نیب تقدیم ایتیله دی. طالبان حکومتی اغدریلگنیدن سونگ دنیاهم جمعیت مملکت لری نینگ مالی یاردمی بیلن افغانستان بویلب اف ام رادیولر ایجاد ایتیلدی .