یوناما: نامزدلر سیلاو اداره لری بیلن همکارلیک قیلیب، نتیجه نی قبول قیلیشلری کیره ک

بیرلشگن ملتلر تشکیلاتی افغانستانده گی سیاسی وکالتخانه سی یا یوناما، سیلاولر کمیسیونی دارالانشاه اداره سی رییسی ضیاالحق امرخیل استعفاگه چیققنی آرتیدن، جمهور رییسلیک نامزدلرینی سیلاو جریانیگه قیته دن قوشیلیب، سیلاو نتیجه لریگه حرمت قایل بولیشلریگه چقیرگن.

اوزی نینگ رسمی صحیفه سیده خبرنامه نشر ایتگن یوناما اداره سی، امرخیل نینگ استعفاگه چیققنینی افغانستان سیاسی اوتیشی نینگ تاریخی جریانی سقله نیشی گه یاردم بیریب، سیلاو جریانی منتظم روشده قانون قاعده لراساسیده عملگه آشیریلیشی ممکنلیگی نی ایتگن.

امیرخیل، عبدالله عبدالله تمانیدن قلابلیکده عیبلندی و او سیلاو مستقل کمیسیونی بیلن علاقه سینی اوزیشی باره سیده آگاه لنتیرگن دن سونگ، استعفاگه چیقدی.

یوناما، امرخیل جنابلری اوز لوازمیده اساسیده روشده وظیفه بجریب، افغانستان سیلاولری آلدینگی گه کوره، یخشی روشده اوتکزیلگنینی تاکیدله گن.

عبدالله عبدالله امرخیل نینگ وظیفه سیدن بوشه تیلیشی اونینگ ایستکلریدن بیری بولگن. اما اونینگ استعفاسی دن سونگ، قیته دن بو جریانگه قوشیلیشی ممکن می یوق می؟

عبدالله جنابلری بوندن آلدین بیرلشگن ملتلر تشکیلاتی نی افغانستان سیلاولری مسله سی حلی اوچون همکارلیک قیلیشینی سوره گندی، یوناما هم افغانلر رهبرلیگیده جریانگه یاردم کورستیشی نی اعلان قیلگن.

اشرف غنی تیمی: امرخیل ملی منفعتگه قره ب استعفا بیردی

اشرف غنی احمدزی نینگ تحول وتداوم تیمی افغانستان سیلاولر مستقل کمیسیونی دارالانشاه رییسی ضاالحق امرخیل نینگ استعفاسیگه عکس العمل بیلدیریب، او افغانستان ملی منفعتی اوچون بونده ی تدبیرگه قول اورگنینی ایتگن.

اشرف غنی احمدزی تیمی اعضالریدن بولگن حمیدالله فاروقی امیرخیل استعفاسیدن سونگ کنفرانس یولگه قوییب، امرخیل گه قرشی قنده ی دیر محکمه وی حجت و گواه موجود بولمه گن و او ملی منفعتلر اساسیده وظیفه سینی ترک ایتگنینی معلوم قیلگن.

فاروقی جنابلری اوتگن عبدالله عبدالله تیمی تمانیدن عاموی اخبارات واسطه لری اختیاریگه قوییلگن امرخیل گه قره شلی آوازنی ساخته کار آواز دیه رد ایتدی.

اوتگن کون نشر ایتیلگن آواز ده امرخیل تیلفونده اوز آدملریگه اشرف غنی احمدزی نینگ فایده سیگه فعالیت قیلیشلری نی تاکیدله یاتگنی قید ایتیلگن.

اما فاروقی جنابلری اوتکزگن کنفرانسده، اشرف غنی احمدزی و سیلاو مسووللری اورته سیده هیچ قنده ی علاقه یوقلیگی نی تاکیدله گن.