عبدالله عبدالله طرفدارلری تقلبلرگه عاید ینگی دعوانی اعلام قیلدی

ایککینچی دورسیلاو نامزدی داکتر عبدالله عبدالله تیمی، ثبت قیلینگ بیرسیسنی نشر ایتیب بو سیس امرخیل نینگ قلاب کارلیک لرگه عاید سیسی بولگندیب ادعا قیلدی. لیکن سیس نیمه حقده بولگنینی انیق بیلیب بولمیدی.

داکتر عبدالله عبدالله نینگ سیلاو تیمی تامانیدن اویوشتیریلگن یغینده صحبت اساسیده تیارلنگن ویدیو تسمه نشر ایتیلدی. عبدالله عبدالله نینگ سیلاو تیم مسوولی بریالی ارسلایی ویدیو تسمه نشر ایتیلیشدن الدین مستقل سیلاو کمیسیون دارالانشا رییسی نینگ بیطرف بولمسلیگی اوچون مذکور ویدیو تسمه اساسی حجت دیه فکر بیلدیردی، اونینگ ادعا قیلیشیچه کمیسیون دارالانشا رییسی اوشبو اداره خاملریدن بیریگه انیق بیر نامزد منفعتیگه ایشلشگه بویوروغ بیره دی.

لیکن صحبت نیمه حقده بولگنی و حقیقتن بو امرخیل سیسی می یاکی یوق انیق بیلیب بولمیدی ، شونگه علاوه بو تیلفونی صحبت قیسی مرجع تامانیدن ثبت ایتیلگنی باره سیده هم هیچ نرسه ایتیلمه گن.

افغانستان مستقل سیلاو کمیسیون سوزچیسی نور محمد نور بوباره ده شوندی مناسبت بیلدیردی:" "بیرینچیدن مملکت قانون لریگه اعتبار بیرگنده هیچ کیم بیر کیشی نی سیسینی یازیب آلیشگه حقلی ایمس، بو ایزله نیشی کیره ک، قنده ی، نیمه اوچون وکیم تاماندن بو ایش عملگه آشیریلگن، ایکینیچدن مطبوعات آرقه لی نشرایتیلگنده، بونده نیمه موضوع باره سیده گپیریلگنی هم انیق ایمس"

باشقه تماندن شکایت لرنی تینگلش مستقل کمیسیون سوزچیسی نارد محسنی مطبوعات انجمنی اوتکزیب سیلاو مستقل کمیسیون دارالانشا رییسی و ایککینچی دور سیلاو نامزدی عبدالله عبدالله اره سیده پیدا بولگن جنجاللرگه عاید اوچ شکایت بو کمیسیون گه ایتیب کیلگنینی معلوم قیلدی:"اوچ حالت شکایت رویخط گه الینگن، بیر شکایت سروبی اهالیسی تامانیدن اولر بو جنجل باعث بیز رای بیره المه دیک دیب شکایت قیلیشگن، بیر شکایت هم امرخیل تامانیدن و بیر شکایت هم سیلاو نامزدی عبدالله عبدالله تامانیدن ،شکایت لر بیزنینگ کابل ولایتیده گی ولایتی مرکزی میز تامانیدن تیکشیریلماقده،دستلبکی تحقیقات نهایه تاپیشی بیلن اچیق جلسه ده بوخصوصده قرار آلینه دی."

شونینگ دیک محسنی جنابلری ، سیلاو نتیجه لری اعلان ایتیلمسدن الدین، سیلاو نامزدلریدن بیر تامانیدن نتیجه لرگه عاید مناسبت بیلدیریلیشی هلی ایرته ایکنینی اورغوله دی.

عینی حالده شکایت لرنی تینگلش مستقل سیلاو کمیسیون سوزچیسی اکثری ولایت لرده سیلاو گه عاید شکایت لر تیکشریلگنینی تیلگه آلیب، کیله جک چهارشنبه کیچه ساعت 12 قدر شکایت لرنی تیکشریش جریانی بوتونلی یکون تاپیشیدن خبربیردی.

شونینگ دیک افغانستان مستقل سیلاو کمیسیونی ولایت لردن ایتیب کیلگن نتیجه لردن 85 فایزی خلق ارا کوزه توچیلر حضوریده کمیسیون نینگ دیتابس مرکزیده کیرتیلگنینی ایتدی.