افغانستان هوا کوچلری اون ییل دوامیده قنچه لیک رواجلنگن؟

Image copyright

افغانستان هوا کوچلری سونگی ده کوزگه کورینرلی درجه آلغه سیلجیشلرگه ایریشگن. اونلب پیلوت خارجی مربی لرتمانیدن تیارگرلیک کوریب، اونلب تیک اوچر هم اولرنینگ اختیاریگه قوییلگن.

سونگی ده امریکاده تیارگرلیک کورگن افغان پیلوتلری سی 130 رسوملی تیک اوچرنی پرواز بیریشگه موفق بولیشگن. اما رسمیلر، هنوز هم افغان هوا کوچلری لازم روشده جهازلنمه گنینی ایتیشگن.

افغانستان هوا کوچلری بوندن آلتی ییل مقدم دنیا همجعیتی همکارلیگیده ایجاد ایتیلدی. آلدینگی هوا کوچلری ایچکی اوروشلرده بار یوغینی قولدن بیرگندی. خارجیلر افغانستانگه جهاز و تیک اوچلردن تشقری، پیلوتلرنی هم تیارگرلیک دن اوتکزیشگن. امریکاده تیارگرلیک کورگن پیلوتلردن بیری ایمل پاچا. او امریکاده ایشلب چیقه ریلگن سی 130 رسوملی اوچاق نی پرواز بیره دی.

اونگه کوره، امریکالیک پیلوتلر مملکت نینگ جنوبی ده گی قندهار و هلمند ولایتلریدن بولک، باشقه منطقه لرگه پرواز قیلیشمه یدی، اما او و یولداشلری افغانستان بوتون آسمانیگه پرواز قیلیشده تیار.

افغانستان غربی ده هم پیلوتلرنی تیارگرلیک دن اوتکزووچی بیر تعلیم مرکزی ایجاد ایتیلگن. بو مرکزده قریب 60 نفر پرواز بوییچه تعلیم آلماقده لر. اولردن بیرقطاری تیارگرلیک نی بیتیرگنلر. حاضر کیچکی مخصوص عملیاتلرده اشتراک ایتیشه دی.

افغانستان هوا کوچلری حاضر گی کونده اکثر تخنیکی معمالرینی اوزلری حل قیلیشه دی. قطار انجنیرلر اوچاقلرنی تعمیرله یدی. مسووللرگه کوره، اوتگن ییللرده بیر تیک اوچرنی تیکشیریش یاهم تعمیرلش اوچون 50 مینگ دالر خرجت صرفله نیشی ممکن ایدی. اما حاضر افغان پیلوتلری اوزلری اوز ایشلرینی عهده سیدن چیقه آله دی. حتی معلومات نی جمعلاوچی قاره صندوق نینگ تیکشیریلیشی شو ییرده مهیا ایتیلگن. بوحقده تخنیک بولیمی مسوولی سید نعیم حیدری.

امریکا دولتی افغانستان هوا کوچلرینی 2017 ییگچه جهازلنتیریشینی وعده قیلگن، اما افغان هوا کوچلری مسوللری، دنیا همجمعتی بیرگن وعده لریگه عمل قیلمه گن حالده، ایشلری رواجلنمسلیگی ممکنلیگی نی تاکیدله ماقده لر.

افغانستان هوا کوچلریدن حاضر اکثرآ اوتیب قیتیشی قیین بولمه گن منطقه لرگه یوک ییتکزیش اوچون فایده لنیله دی. بوندن تشقری حربی عملیاتلر و قوتقه ریش حادثه لر اوچون هم ایش آلینه دی. اما مدافعه تیزیمی هنوزهم تعمیرلنمه گن. پیلوتلرگه کوره، بونی قیته فعاللشتیریش ده کمیده 9 میلیارد دالر خرجت صرفله نیشی ممکن.