شکایتلرنی تیکشیریش جریانی کیچه 12 یکولنه دی

Image copyright IECC
Image caption جمهور رییسلیک نامزدلری باشقه اوچ کونگچه بوقرارلر خصوصیده فکر بیلدیره آله دیلر.

جمهور رییسلیک سیلاولری نینگ ایککینچی دوریگه تیگیشلی شکایتلرنی تیکشیریش جریانی شو کیچه یکونلنه دی. سیلاو شکایتلرینی تیکشیرووچی کمیسیونی، شکایتلرنی تیکشیریش جریانی اکثر ولایتی اداره لرده یکونله نیب، قرارلر نتیجه لری کابلگه ییتکزیله یاتگنینی ایتگن. جمهور رییسلیک نامزدلری باشقه اوچ کونگچه بوقرارلر خصوصیده فکر بیلدیره آله دیلر. اما عبدالله عبدالله سیلاو تیمی مذکور قرارلرنی ناتوغری دیه رد ایتگن. سیلاو شکایت عریضه لرینی تیکشیرووچی کمیسیونی 24 جوزا د بولیب اوتگن سیلاو دن ایکی کون کیین، شکایتلرنی تیکشیریشگه باشله گن. بو تیکشیرووده اکثریتی سیلاو کمیسیونی خادملری گه قره شلی بولگن 2500 دن آرتیق شکایت رویخط گه آلینگن. بو کمیسیون سوزچیسی نادر محسنی بو جریان شو کیچه یکونله نیب، شکایت کمیسیونی بونی آلدینگی دوردیک قیته اوزه تیلمسلیگی باره سیده تاکیدله دی:"قانونگه بنآ بوگون ایکینیچی دور سیلاو گه قره شلی شکایتلرنی تیکشیریش وقتی شو کیچه ساعت 12 ده یکونلنه دی. بیز آلدینگی دور دیک، بونی قیته اوزه یتیره آلمه یمیز". ایتیلیشیچه، بو قرار نتیجه لری تیز آره سیده شکایتلرنی تیکشیرووچی کمیسیون نینگ انترنت صحیفه سیگه قوییلیب، اونینگ اساسیده جمهور رییسلیک نامزدلریگه اعراض عریضه لری اوچون اوچ کون مهلت بیریله دی. اما قلابلیک عملگه آشیریلگنلیگی اوچون اعتراض بیلدیریب، علاقه سینی سیلاو کمیسیونلری بیلن اوزگن جمهور رییسلیک نامزدی عبدالله عبدالله، مذکور قرارلرنی کیسکین ناتوغری دیه تاکیدله ماقده. عبدالله عبدالله نینگ سیلاو تیمی سوزچیسی فاضل سانچارکی، سیلاو کمیسیون لری بیلن شرطلری قبول بولیشی اوچون مذاکره لر دوام ایته یاتگنی نی ایتگن:"ایککینچی دور ده روی بیرگن معمالر، قلابلیکلر سیلاو کمیسیونی نینگ سیلاو ده 7 میلیون دن آرتیق آدم نینگ اشتراک ایتگنلیگی ادعاسی، و بیرقطار ولایتلرده مقداریدن زیاد آواز صندوقلرگه تشلنگنلیگی همده امرخیل نینگ کمیسیونده اوته قیین سیستملرنی اورنه تیب کیتگنی و بیرلشگن ملتلر تشکیلاتی و نامزدلر نماینده لری حضوریده قبول گه سزاوار بوله دیگن مسله لرنی بحث آلماقده میز". هنوز بو مذاکره لر نیتجه سی معلوم بولمه گن، اما شکایتلرنی تیکشیرووچی کمیسیونی سوزچیسی نادر نادری، عبدالله جنابلری نینگ سیلاو تیمی تیکشیرو نتیجه لری اعلانی دن 72 ساعت کیین، کمیسیون لر بیلن علاقه سینی قیته تیکلشی باره سیده امید بیلدیرماقده:" قالگن 72 ساعت ایچیده بیز بیلن علاقه سینی تامینلب، قانونی حقلریدن فایده لنیشلری باره سیده امیدوارمیز". عین حالده، سیلاو کمیسیونی آوازلردن 96 فایزینی سیستمگه کیریتگن، و سیلاو باشلغنچی نتیجه لری سرطان آیی نینگ 11 ده اعلان ایتیلیشی کوته له دی.