مزارـ کابل یولیده ترافیک حادثه سی یوز بیردی

بوگون ایرته لب مزار ـ کابل قتناو یولی ده بیر 303 رسوملی موترنینگ باشقه بیر یوک تشووچی موتر بیلن توقنشگنی عاقبتیده 5 کیشی اولیب، باشقه 20 کیشی یره لندی. اولگن لر ایکی باله، بیر عیال وایکی ایرکک دن عبارت بولگن.

حادثه ایرته لب ساعت 9 ده مزارشریف ـ حیرتان یولی آلدیده روی بیرگن. 33 رسوملی موتر کابلدن مزارشریف تمان کیله یاتگن بیر چاغده روی بیرگن.

بلخ پولیس قوماندانلیگی مسووللری حادثه ده یره لنگنلرنی مزارشریف ملکی شفاخانه سیگه ییتکزیگنلیکلریدن خبر بیرگن.

اولرگه کوره، واقعه گه موتر هیداوچیلری نینگ احتیاط سیزلیگی سبب بولگن.

مزارشریف ملکی شفاخانه سی مسووللری حادثه محلی دن 5 جسد و 20 یره دار شفاخانه گه آلیب کیلینگنلیگی نی تصدیقلشدی. اولرگه کوره، یره لنگنلردن بیشته سی نینگ احوالی آغیر بولگن.

مزار ـ کابل قتناو یولی شمالده اینگ تیقینچ یول حسابلنه دی. بو ییلدن بلخ شامل جوزجان، فاریاب و سرپل اهالی سی قتنه یدی.