"سیلاو لرنینگ شفافلیگی اوچون رقیب تمان هم همکارلیک قیلسین"

Image copyright AFP

سیلاو مستقل کمیسیونی جمهوررییسلیک سلاو نینگ دستلبکی نتیجه سی کیله سی هفته دوشنبه کونی اعلان ایتییلشینی معلوم قیلدی. کمیسیون رییسیگه کوره، قریب 2 مینگ محل رایلرینی قیته کوریب چیقیش نتیجه نی اوز وقتیده اعلان ایتیملسلیگیگه سبب بولگن.

ایککینچی دور جمهوررییس لیک سیلاو نینگ دستلبکی نتیجه لری قریب بیرهفته ارتگه قالدیریلیشی بیلن کیله سی

هفته دوشنبه کونی سرطان آی نینگ 16- سیده اعلان بولیشی ممکن. سیلامستقل کمیسیون رییسی یوسف نورستانی سیلاو جریانی شفاف لیگی اوچون اوتیز ولایت گه تیگیشلی 2 مینگ محل رایلرینی قیته کوریب چیقیش موضوعی نتیجه نی کیچیتریلیشیگه اساسی دلیل بولگنینی ایتدی:"مستقل سیلاو کمیسیونی اوتیز ولایت گه تیگیشلی 1930 محل رایلرینی تفتیش قیلیش دلیلی بیلن سیلاو نینگ دستلبکی نتیجه سینی کیچیکتیردی، سیلاو جریانی شفاف لیگی اوچون، ایککینچی دور سیلاونینگ بیرینچی نتیجه سی نیچه کون کیچیکتیریلیشی بیلن اعلان ایتیله دی."

بیراق سیلا مستقل کمیسیون نینگ بوقراری شکایت لرنی تینگلش کمیسیون نینگ جدی قرشی لیگیگه سبب بولدی، اوشبو کیمسیون رییسی عبدالستار سعادت بی بی سی بیلن بولگن صحبتیده سیلاو مستقل کمیسیونی مصلحت لر اساسیده بوقرارنی الگن دیب فکر بیلدیردی:"مصلحت لرگه تن بیریش کمیسون لر وظیفه سی ایمس، قانون گه ماس ایلگری کیتیش لازم، سیلاو مستقل کمیسیونی نینگ جدیت بیلن عمل قیلیشیگه امید قیله من. نتیجه کیچیکتیریلیشی شکایت لرنی تیکشریش کمیسیون ایشلرینی کوپیتیره دی. شکایتلر کوپ بولیب ایشی میز اوستیگه هم تاثیر قالدیرییشی ممکن."

عبدالله عبدالله نینگ سیلاو تیمی نتیجه نی کیچیکتیریلیشی اولرنینگ طلبلریدن بیری بولگینینی اورغولب کمیسیون نینگ بو قرارینی خوش قرشی له دی. اوشبو تیم مسوولی نصرالله بریالی ارسلای:"اینگ آز بیر طلبی میزگه ایجابی جواب بیریلدی،همده رقیب تیم هم سیلاو شفاف لیگی اوچون همکاربولیشینی ایتگن، شونینگ دیک بیرلشگن ملتلر تشکیلاتی و جمهورریسی نینگ ایککی اورین باسری هم سیلاوگه عاید معما حلی اوچون سعی قیلماقده، بیز بو جریاننی ایجابی بیلیب شو اوچون خرسند میز."

اشرف غنی احمدزی سیلاو تیمی اعضالریدن معین مرستیال سیلاو نتیجه سی اعلان بولمی سیلاوگه عاید شکایت لر کوریب چقیلیشی گه طرفدار ایکن لیک لرینی اظهارایتدی:"سیلاو جریانی شفاف لیگی اوچون دنیاجماعت چیلیگی ، سیلاو کمیسیونلری و اصلاحات وهمگارالیک تیمی بیلن همکارمیز ، لیکن بو همکارلیک لر، اساسی قانون وسیلاولر قانونیگه ماس بولیشی کیره ک. قانونگه قرشی بولگن هرقندی عملگه بیز موافق ایمس میز."

همده اشرف غنی احمدزی تیمی سیلاوگه عاید معمالرگه ایچیم یول تاپیش اوچون بیرلشگن ملتلر تشکیلاتی و باشقه تشقی مملکت لر تامانیدن الیب باریله یاتگن دیپلماتیک حرکت لرگه قرشی بولمه گنینی ایتدی.