کابل غربیده یوزلب نفت تانکریده یانغین یوزبیردی

Image copyright AFP

افغانستان پلیسی کابل غربیده 400 اطرافیده یانیلغی ماده تشووچی نقلیه واسطه یانیب کیتگنی دن خبربیردی. جمعه کیچه سی یوزبیرگن بو یانغین بوگون هم دوام ایتیب حاضرگه قدراوچیریلمه گن. طالب لربواسطه لرگه راکت بیلن هجوم قیلیشگنی نی ایتگن. .

اما کابل پلیسی بوهجوم نی تصدیقله مه گن.

کابل پلیسی ترقتگن بیاناتیده بوحادثه کونی کیچه 10:30 معلوم بولمه گن سبب لربوتانکرده یانغین یوزبیرگنی معلوم قلینگن.

یانیلغی ماده تشووچی بوواسطه لرخصوصی شرکت لردن بیریگه تیگیشلی بولگن.

بو بیاناتده کیلیشیچه بو یانغین بیرینچی دن شدت بیلن النگلی بولگن واوت سوندیرووچی تیمی محل گه ییتیب باریشی بیلن نظارتگه آلینگن هرچندبویانغین نی تولیق آلدی آلینمه گن و دوام ایتماقده.

کابل پلیسی بویانغین نینگ دلیلی انیق ایمسلیگی نی معلوم قیلگن.

ایریم رسانه لربوحادثه ده نیچه کیشی هلاک ایتیلگنی باره سیده خبر بیرگن. اما کابل پلیسی بوحقده خبری یوقلیگی نی ایتگن.

ایچکی ایشلروزیرلیگی سوزچیسی اورین باسری نجیب دانش گه کوره یانغین یوزبیرگن بوتانکرلرافغانستان جنوبیده یول آلیش مقصدیده جونب تورگن بیرپیتده تانکرلریانیده پارتلش صادربولیب یانغین یوزبیریشیگه سبب بولگن و کیین راق قالگن تانکرلرگه یینگره ب کیتگن.

کابل پلیسی سوزچیسی حشمت الله استانکزی اوز فیس بوک صحیفه سیده 400گه یقین تانکراوت آلگنی نی تصدیقله گن.

طالبان گروهی نینگ ادعا قیلیشیچه اولر ناتوگه یانیلغی ماده ییتکزیب بیروچی کارواننی هجوم آستیگه آلیب یانغین یوزبیرگن.

بو یانیلغی ماده تشووچی نقلیه واسطه لرناتو کوچلریگه تیگیشلی بولگنمی یوقمی انیق ایمس.

اوتمیشده ، کوپ حاللرده افغانستان وپاکستانده عصیانچی لر ناتوکوچلریگه کیره کلی اشیا ویانیلغی ماده ییتکزیب بیره دیگن کاروانلرنی هجومگه توتیب کیلگن ایدی.