اوباما افغان نامزادلرینی صبر و همکارلیککه چقیردی

Image copyright BBC World Service

آق اوی نینگ ایتیشیچه، امریکا جمهور رییسی براک اوباما بیر تیلفون علاقه ده افغانستان نامزادلرینی قلابلیکلر تیکیشیریلیشی باره سیده حرکتلر یکونلنیشی و ناقانونی حرکتلرگه قول اورمسلیککه چقیرگن.

سیلاولر مستقل کمیسیونی اعلانی گه کوره، عبدالله عبدالله اشرف غنی گه قره گنده، کمیدن بیر میلیون رای قویی، اما او سیلاولرده کینگش قلابلیک یوز بیرگنی نی ادعا قیلیب، اوزینی غالب اعلان قیلگن.

اوباما جنابلری سه شنبه کیچه عبدالله و اشرف غنی بیلن تیلفون آرقه لی سوزله گن.

آق اوی نینگ بیرگن بیاناتیگه کوره، اوباما ایکله نامزدنی تینچلیککه چقیریب،سیاسی مذاکره لر آرقه لی مسله حل ایتیلیشیگه تاکیدله گن.

اوباما جنابلری ایکله نامزد گه امریکا برچه قلابلیکلر معقول یوللر آرقه لی تیکشیریلیشی گه تاکیدله یاتگنی نی ایتگن.

اونینگ تاکیدلشیچه، تمانلر افغانستان برقرارلیگینی برهم اوره دیگن مسله لردن قول تارتیشلری کیره ک.

او شونینگدیک، زوره وانلیک یوللر آرقه لی حاکمیتگه ایریشیش، امریکا نینگ افغانستان گه کورسته یاتگن یاردملری نینگ کیلیسیب قالیشیگه سبب بولیشی ممکنلیگی نی ایتگن.

اونگه کوره، یقین آره ده تشقی ایشلروزیری جان کیری ایکله نامزد و جمهور رییس کرزی بیلن مسله باره سیده واسطه چیلیک قیلیش اوچون افغانستانگه سفر قیله دی.

بوندن آلدینراق آق اوی سوزچیسی اعلان ایتیلگن نتیجه نهایی نتیجه دن دلالت بیرمسلیگی نی تاکیدله گندی.

ناتو باش کاتبی اندرس فوگ راسموسن هم سه شنبه کونی سیلاولرده کینگ مقیاسده قلابلیک یوزبیرگنی باره سیده تشویش بیلدیریب، ایکله نامزدن افغانستان سیلاو مسوللری بیلن حل یول قیدیریش اوچون ایش آلیب باریشلرینی سوره گن.

بریتانیا تشقی ایشلروزیری ویلیم هیگ هم هندوستانگه قیلگن سفری جریانیده افغانستان رهبرلرینث عراقده گی بحران دن درس آلیشلری نی باره سیده آگاه لنتیرگن.