قندهار حاکملیگی بنا سیگه اویشترلگن هجومده 22 کیشی عصیانچی هلاک بولگن

Image copyright BBC World Service

بی بی سی نینگ قندهار ده گی مخبری مامون درانی نینگ خبر بیریشیچه، بوگون ساعت 11 یریم اطرافیده بیر گروه خودکش هجومچی قندهار حاکمیتی و قوماندانلیگی بنالرینی نشانگه آلگن.

افغانستان ایچکی ایشلروزیرلیگی معاونی محمد ایوب سالنگی اوزی نینگ تویتیر صحیفه سیده مذکور حادثه ده پارتلاوچی ماده لردن توله بولگن ایکی موتر پارتله تیلگن و ایکیته سی کشف ایتلیب قولگه توشیریلگنی باره سیده یازیب قویگن.

سالنگی گه کوره، پولیس وهجومچیلر اورته سیده دوام ایته یاتکن توقنه شووده هجومچیلردن22نفر نابود بولگن .

رسمی لرگه کوره حادثه 2 نفر پلیس و تورت نفر عادی اهالیدن هلاک بولگن.

اونینگ ایتیشیچه، مذکور هجومده تورت نفر پولیس یره لنگن.

قندهارده بی بی سی مخبری نینگ بیرگن معلوماتیگه کوره، توقنه شوو هنوزهم دوام ایتدیریلیب، پارتلش و اوق اوزیش سیسلری ایشیتیلماقده.

هجومچیلر باشله نیشدن قندهار پولیس قرارگاهی گه هجوم قیلیشگن. اوندن کیین ولایت حاکمیتی بناسیگه.

قندهار افغانستان نینگ ناتینچ ولایتلریدن بیری. اما هنوزگچه حادثه باره سیده انیق معلومات قولده ایمس.

طالبان بو حادثه مسوولیتی نی اوز ذمه سیگه آلگن.

اوتگن کون هم کابل شمالی ده گی پروان ولایتیده یوز بیرگن هجومده 16 کیشی جمله دن ایکی پولیس و اون نفر تینچ اهالی و تورت خارجی عسکر هلاک بولدی.