افغانستان غربیده ماین تازه لش اداره لریدن بیری نینگ آلتی خادمی اولدیریلدی

Image copyright a

هرات ولایت نینگ کهسان تومنیده هالوتراست ناملی ماین تازه لش اداره سی نینگ آلتی خادمی عصیانچیلر تامانیدن اولدیریلدی، حادثه بو کون ایرته لب ایران بیلن چیگره داش بولگن کهسان اولسواللیگی نینگ کمانه محلله سیده یوز بیرگن.

هرات امینه قوماندان لیگی سوزچی سی عبدالروف احمدی نینگ ایتیشیچه قورالی عصیانچی لر ایرته لب ساعت آلتی ده کهسان تومنی نینگ کمانه محلیده ماین تازلش موسسه خادملری نینگ ایش محلیده هجوم اویشتیرگن.

منطقه نی ماین دن تازله یاتکان بو ملازم لر ایش جریانیده اولدیرلگن.

هرات پولیس سوزچی سی نینگ معلوم قیلیشیچه بو هجوم عاقبتیده اوچ کیشی هم تن یره لنگن، اولرنینگ وضعیتی اغیر ایکنلیگی ایتیلگن.

احمدی جناب لری عین حالده قورالی عصیانچیلر ، هیلوترست ماین تازه لش موسسه سی نینگ بو منطقه دهگی باشلیغی داخل اوکیشی نی هم اسیر الگن دیدی.

هرات غربیده جایلشکن کهسان تومنی بو ولایت نینگ نسبتا" تنچ اولسوال لیک لری جمله سیدن سنله دی .

ماین تازه لش موسسه خادم لری اولدیریلگن منطقه ده بوندن الدین بونقه حادثه لر یوز بیرمگن دیدی .

هیلوترست موسسه سی ، افغانستان غربیده جایلشگن ولایت لرده کوپ ییل لردن بویان فعالیت قیلیب کیلماقده .

بوندن بیر ییل الدین هم بو موسسه نینگ 63 ملازمی هرات ولایتی نی شرقی ده جایلشکن پشتون زروغون تومنی ده قورالی عصیانچی لر تمانیدن اوغیرلنگن اید، اما مینطقه آق سقال لری اره لشیشی بیلن قویب یوباریلگن دی .

هرچند محلی رسمی لر بو حادثه نی قورالی طالبان گروهی گه نسبت بیره دی ، اما حاضرگه قدر هیچ نرسه دیمه گن.