بریتانیا افغانستانده کی سیلاو لرگه عاید ینگی کیلشوو لرنی آلقیشله دی

Image copyright non

بریتانیا تشقی ایشلر وزیری ویلیام هیگ افغانستان جمهور رئیس لیک سیلاو لر آواز لرینی قیته کوریب چیقیلیشی و نامزد لرنینگ ملی بیرلیک اساسیده حکومت قوریش قرار لرینی آلقیش له گن .

کابل ده کی بریتانیا ایلچی خانه سی تمانیدن ترقه تیلگن بیاناتده ویلیام هیگ دن نقل ایتلیشیچه:" خلق منفعت لرینی اوستون قوییب بیربیرلری بیلن کیلشو گه ایرشگن هر ایککله نامزد نی تبریک لی من".

هیگ جنابلری برچه آواز لرنینگ کوریب چیقیلیشی اهالی ایشانچینی سیلاو لرجریانی و نتیجه لریگه جلب ایتیشگه امید بیلدرگن.

اونگه کوره ایشانچ یره تیلیشی اوچون بریتانیا آواز لرنینگ خلق آرا معیارلر اساسیده کوریب چیقیلیشی گه طرفدار.

بیاناتده تاکید له نیشیچه، بریتانیا افغانستانده ملی بیرلیک اساسیده ینگی حکومت نینگ قورلیشدن استقبال قیلگن.

هیگ جنابلری عینی دمده افغانستان سیلاو لریگه عاید بحرانی حل ایتیشی اوچون امریکا تشقی ایشلر وزیری جان کری نینگ سعی حرکت لرینی تقدیر له گن .

ایککینچی دور سیلاو برچه آوازلری قیته تیکشیریله دی

امریکا تشقی ایشلر وزیری ایککی نامزد اشرف غنی احمدزی و عبدالله عبدلله بیلن اوتکزگن قوشمه مطبوعات انجمنیده ایککینچی دور سیلاو برچه آوازلری قیته تیکشیریلیشی باره سیده کیلیشیب آلینگنینی اعلام قیلدی.

  • یوزده یوز رایلر قیته تیکشیریلیشی
  • خلق ارا نظارتچیلر حضوریده
  • تیکشیریش جریانی نینگ کابلده عملگه اشیریش
  • رای صندوقلری ایساف تمانیدن کابلگه ییتکیزیلیشی
  • صندوقلر امنیتی نی تامین لش اوچون ایساف و افغان امنیتی کوچلری قوشمه فعالیت آلیب باریش
  • تحلیف مراسمی کیچیتیریلیشی
  • تفتیش نتیجه سی ایککی نامزد تامانیدن قبول قیلینیشی
  • نتیجه اعلام ایتیلگنیدن سونگ ملی بیردملیک دولت ایجاد ایتیش

کری جنابلری قیته تیکشیریش ایشی کیله جک 24 ساعت دن سونگ کابلده باشلنیشی نی ایتیب، نیچه هفته دوام تارتیشی ممکن لیگینی تیلگه آلدی. شونینگدیک او، تحلیف مراسمی کیچیکتیریلیشی یوناما تامانیدن طلب قیلیگنینی ایتدی.

امریکا تشقی ایشلر وزیری نینگ ایتیشیچه، رای صندوقلری خلق ارا متخصصلر حضوریده تیکشیریلیب و صندوق لر ایساف کوچلری تامانیدن کابل گه ییتکیزیله دی.

امریکا تشقی ایشلر وزیریگه کوره، تیکشیریش ایشی نهایه تاپگنیدن سونگ جمهورلیک مقامینی قولگه کیریتگن نامزد ملی بیردملیک دولیت ایجاد ایتیشی ممکن.

عبدالله جنابلری صحبت لری دوامیده ملی بیردملیک دولتی نینگ ایجاد ایتیشی اوچون کیلیشیب آلینگنینی ایتدی. شونینگ دیک او فنی وسیاسی بولیملرده هم کیلیشیلگنینی اورغوله دی. همده او برچه رایلر تیکشیریلیشی سبب ، تحلیف مراسم زمانی کیچیکتیریلیشینی جمهوررییس کرزیدن طلب قیلدی.

عینی حالده احمدزی جنابلری تیکشیریش نتیجه سی نیمه بولسه ، ایکی نامزد هم قبول قیلیشی گه کیلیشیلگنینی تیلگه آلیب بوحقده شوندی دیدی:" غلبه قازانگن شخص برچه قدرت نی قولگه آلسه، افغانستان اوچون یخشی ایمس. هررایلری حساب بولیشی خصوصیده افغانلرگه ایشانچ بیلدیریشی میز لازم ملی بیردملیک دولت ایجاد ایتیشگه کیلیشدیک."

سیلاو گه عاید جنجالنی حل ایتیش اوچون امریکا تشقی ایشلر وزیری جان کری جمعه کون کابلگه کیلدی. او، ایککی نامزد و جمهوررییس کرزی بیلن اوچره شیب موجود جنجاللر باره سیده مذاکره آلیب باردی. هرایککی نامزد طرفدارلری هم بولیب اوتگن مذاکره لردن راضیلیک بیلدیرماقده.