غزه ني مينگلب آدملر ترك ايتماقده

Image copyright AP

ييتي كوندير، غزه بولگه سيگه اسراييل هوا هجوملري دوام ايتماقده.

اسراييل غزه بولگه سيگه هوا هجوملردن آگاه لنتررايكن، مينگلب فلسطينليكلر بولگه نينگ شمالي تومنلريني تشلب چيقنلر.

بيرلشگن ملتلر تشكيلاتي گه كوره، شو پيتگچه قريب 17 مينگ فلسطينليك غزه ني ترك ايتگن.

فلسطين رسميلري نينگ ايتيشيچه، اوتگن سه شنبه دن بويان هلاك بولگنلر ساني 172 ته گه ييتگن، 1260 كيشي يره لنگن. اين دمده اسراييل تماندن بير نيچه كيشي جراحتلنگن. ليكن بيرارته هم قربان بيريلمه گن.

بيرلشگن ملتلر تشكيلاتي حسابيچه، غزه ده هلاك بولگنلرنينگ 77 فايزي تينچ اهالي دير. بيراق اسراييل مدافعه وزيرليگي بو رقملر حماس منبعلريگه اساسلنگنيني ايتيب، اولرني ايشانچ سيز ديب ايته يدي

اسرايل اوز هجومجلري حماس قرارلري و جنگريلر رهبرلري اويلريگه قره تيلگنيني ادعا قيلماقده.

Image copyright AP

غزه ده كوپلب تورر ـ جاي بينالري ويران ايتيلگن.

اسرايل رهبرلري فلسطينليك جنگريلر راكت آتيش ني توختتمه سه، غزه ني اوققه توتيشده دوام ايتيشيني تاكيدله يتير.

يكشنبه گه اوتر كيچه سي اسرايل هوا كوچلري حماس نينگ شتب ـ قهورتيره سي و پوليس بولينمه لرني نشانگه آلگن. بو اسرايل نينگ حماس گه قرشي عملياتلري باشلنگن 8 جولايدن بويان اينگ دواملي هجوم حسابلنه دي.

Image copyright Reuters

اسرايل حربيلري بيت الله شهري اوستيده ينگي هجوملر آلدي ورقه لر ساچگن. " بيز تينچ فقرالرگه ضرر ييتكزيشني خواهله مه يميز. ليكن، حماس بنالري يقينيده قاليش اوته خطرلي ايكنيني ايته ميز"، دييدي اسرايل مدافعه وزيرليگي وكيلي.

ليكن فقراليگي بولگن 800 گه يقين فلسطينليك اسرايل آرقه لي غزه ني ترك ايتگنلر.

باشقه بير فلسطينليك نينگ بي بي سي ايتيشيچه، "اويلريني ترك ايتيش حاضر جوده خطرلي. غزه ده همه ياقده يانغين، پارتلش، كوچه لرده يوريش عمومآ خوفسيز ايمس".

فلسطين مختاريتي نينگ بيريتانياده گي ايلچيسي مونيل حسين نينگ بي بي سي گه ايتيشيچه، فقرالر اوچون اويلريدن باشقه يشيرينه ديگن بيرارته هم جاي يوق. اولر اويلريني ترك ايتسه لر، كوچه نينگ اوزيده هلاك بوليشلري ممكن. اسرايل نينگ توته ياتگن عملي ني آقله گن بينيامين نتنياهو امريكا تيلي كنليگه بيرگن صحبتيده" تينچ فقرالرنينگ اوليمي اوچون كيچيريم سوره ي ميز. ليكن حماس تينچ فقرالرنينگ هلاك بوليشيگه سبب بولماقده"، ديگن.

اسرايل غزه ده گي 1320 تيرار آبادانلري يكسان قيلينگنيني ايتگن. حماس اسرايلگه 800 دن آرتيق راكت اوچيرگن.

خبرلرگه كوره، مينگلب اسرايل كوچلري غزه چيگره سيده قوريقليكده گي عملياتلرگه شي بوليب توريشيبدي.

Image copyright AP

بوندن تشقري اسراييل غزه نينگ راكت هجوملري عملگه آشيريلگن تومنلرگه قوريقليگده گي قيسقه عمليات ني اوتكزيب قيتگن. بيش اسراييل اكثر يينگيل يره لنگن. بو اسراييل حربي لري نينگ انقراض باشله گنيدن بيري غزه حدوديگه ايلك بار اوتيشي دير.

حماس سوزچيسي بو رييد ني " جركنچ ياووزليك" ديب ايته گن و اسراييل اوز قيلميشلري، بيگناه فلسطينليكلرنينگ توكيلگن قانلري اوچون البته جواب بيريشيني تاكيدله گن.

اسراييل بو رقملر ايشانچلي ايمسليگيني ادعا قيلماقده. اونگه كوره، هجومچلر نتيجه سيده همه سي نينگ اونلب جنگريلري اولديريلگن.

Image copyright Reuters

حماس سوزچيسي اسراييل فلسطين خلقيگه قرشي جنايتلري اوچون البته جوابيني آليشيني تاكيدله گن.

يكشنبه گه اوتر كيچه سي حماس هم اسراييل گه راكت آتيشده دوام ايتدي.

بي مي تي خوفسيزليك كينگشي شنبه كيچقرون تمانلرني اوت آچيش ني توخته تيب، مذاكره لرني باشله شيگه چقيرگن. بو اسراييل ـ فلسطين ماجراسي باشلنگنيدن بيري تشكيلات نينگ بيرينچي مراجعتي بولگن. شو پيتگه قدر كينگش اعضالري يوز بيره ياتگن واقعه لر حقيده انيق بير موقع لريني بيلديرمه گن.

غرب دولتلري حماس ني راكت هجوملريده قاره له دي و اسراييل گه باسقيليك كورسه تيش، تينچ فقرالر اوليميدن احتياط بوليشگه چقيردي. آلمان اسراييل و فلسطين تماني بيلن مذاكره لر اوتكزيش اوچون وكيليني يوباريشيني ايتگن.

آخرگي معلوماتگه لر كوره، غزه نينگ شمالي قسميده 17 مينگدن آرتيق فلسطين ليك قاچيب چيققن.

دوشنبه كوني ايرته لب اسراييل حماس گه تيگيشلي اوچ منزل ني نشانگه آلگن.

عين پيتده اسراييل گه قرشي ليبندن توريب هوا هجومي عملگه آشيريلگن.

عرب اسراييل اعضالري قاهره ده انقراض ني محاكمه قيليش اوچون ييغيلماقده لر.