کابلده گی پارتلشده جمهوررئیسلیک ایشلری بوییچه اداره نینگ ایکی خادمی هلاک بولگن

Image copyright ARG

مملکت پایتختی کابلده یوزبیرگن پارتلش جمهور رئیسلیک ایشلری بوییچه اداره سی ملازم لری بولگن نقلیه واسطه گه قره تیلیب نتیجه ده ایکی ملازم هلاک بولگن.بو پارتلش سه شنبه کونی ایرته لب یوزبیردی.

کابل پلیسی گه کوره اوشبوحادثه ده باشقه بیش کیشی هم یره لنگن. تن جراحتی آلگن لربو اداره خادم لری بولیب دوالش اوچون کسلخانه گه آلیب باریلگن.

کابل پلیسی نینگ سوزچیسی حشمت الله ستانکزی بی بی سیگه ایتیشیچه بو پارتلش کابل نینگ اون ایکینچی حوزه گه تیگیشلی "ارزان قیمت" محله سیده یوزبیرگن.

شونینگ دیک ستانکزی جنابلری نینگ معلوم قیلیشیچه بو پارتلش یول یانیده اورنه تیلگن ماین بولیب، اوزاقدن باشقریلگن.

حاضرگه قدر بو واقعه گه ضرر کورگن لرکیم لیگی اعلان ایتیلمه گن، اما بو ضررلنگن لرجمهور رئیسلیک مطبوعات خذمتی اداره سی خادم لری بولیب اویلریدن ایش اداره لریگه باره یاتگن بیرپیتده بوحادثه یوزبیرگن.

کابل جلال آباد یولیده جایلشگن ارزان قیمت ساحه سی پایتخت نینگ شرقیده جایله شیب وبوندن آلدین هم دولت مخالف لری اوشبویولده شونگه اوخشش خود کش هجوم وپارتلش لرنی عملگه آشیریب کیلگن ایدی.

حاضرگه قدر هیچ بیرگروه یا شخص بوحادثه مسوولیتی نی اوز بوینیگه آلیشمه گن، اما امنیتی رسمی لری بوحادثه ده دولت مخالف لرینی مسوول دیب ایتیشماقده لر.

افغانستان باش کینتی یعنی کابل باشقه ولایت لرگه نسبتن تینچ حسابلنه دی، اما دولت بیلن قرشی بولیب کیلگن جنگری لرآنده- سانده شونده ی عمللرنی بوشهرگه یولگه تشله یدیلر.

دولت ملازم لری دایم قوراللی لرنی دقتیگه بولیب کیلگن. ایکی هفته آلدین کابل نینگ کارته سخی محله سیده صادر بولگن انتحاری هجومده ملی اردونینگ 7عسکری نابود بولیب وباشقه 16کیشی هم تن جراحتی آلیشگندی. بوحادثه ده ضررکورگن لرنینگ کوپچیلیگی ملی اردو عسکرلری ایدی.