پکتیکاده یوزبیرگن پارتلشده 89کیشی هلاک ایتیلگن

Image copyright

افغانستان مدافعه وزیرلیگی نینگ معلوم قیلیشیچه بوگون پکتیکا ولایتی نینگ ارگون تومنیده گی بازارده پارتلاوچی ماده جایلشتیریلگن نقلیه واسطه پارتلشی سبب 89کیشی هلاک بولیب و42کیشی هم تن جراجتی آلیشگن.

بوحادثه بوگون ایرته لب محلی وقت بیلن ساعت 9:40ده یوزبیرگن.

مدافعه وزیرلیگی نینگ سوزچیسی جنرال ظاهرعظیمی رسانه لرگه یوبارگن بیاناتیده حادثه یوزبیرگن بازارده اولیب یاره لنگن لردن تشقری 20دکان هم ویران ایتیلگنی معلوم قیلینگن.

افغانستان مدافعه وزیرلیگی بیاناتیده کیلیشیچه عملگه آشگن بوهجوم اسلام دینی گه قرشی عمل بولیب وانسان حق لرینی ایاغ آستی قیلیش بولگن.

اما بوندن آلدین پکتیکا ولایتی رسمی لری بوپارتلشده 41کیشی اولیب واینگ آز50نفریره لنگنیدن خبر بیرگن لر.

ارگون تومنی نینگ حاکمی محمد رازق خروتی بیرینچی دن پارتلاوچی ماده گه تولدیریگن مزدا رسومیده بولگن نقلیه واسطه بازارده توختیلیب وکیین پارتله گنی نی معلوم قیلگن دی.

خروتی جنابلریگه کوره نقلیه واسطه پارتله گن محل نینگ بیرتمانی مدرسه وباشقه تامانیده مسجد جایلشگن.

بومحلده کوپچیلیک اهالی توپله نیب تورگن بیرچاغده بوحادثه یوزبیرگن.

ارگون تومنی پکتیکا ولایتی نینگ 50کیلیومترلیگیده جایله شیب بو ولایت نینگ تینچ اولوسوالیک لریدن بیری حسابلنردی.

حاضرگچه بو حادثه مسوولیتی نی هیچ بیرگروه اوز ذمه سیگه آلیشمه گن وطالبان گروهی ایسه بوندن بی خبرایکن لرینی معلوم قیلیشگن.