سناتورلر وکیللرگه امتیاز بیره دیگن قانون لایحه سینی رد ایتدی

Image copyright parliament.af

افغانستان سنا مجلسی ملی کینگش اعضالری نینگ امتیازلر قانون لایحه سی نی آکثریت آواز بیلن رد ایتگن. بوندن بیر نیچه کون آلدین ملی کینگش اعضالری تمانیدن تصدیقلنگن قانون لایحه گه اعتراض بیلدیریب، جمهور رییسدن اونی تصدیقلمسلیگی نی سوره گن.

اما سنا مجلیسی بو قانون نی هیچ قنده ی بحث قیلمسدن رد ایتگن. وکیللرگه امتیاز بیریش قانون لایحه سی سنا مجلسی تمانیدن رد ایتلگنی آرتیدن، بیر گروه مدنی فعاللر پارلمان بناسی قرشی سیده اعتراض بیلدیرگن.

بو جماعه فعاللری اولوسی جرگه اعضالرینی بو حرکتی نی قاره لب، جمهور رییس کرزیدن اونی تصدیقله مسلیگی نی سوره گن.

بو قانون تورت فصل و 20 ماده دن عبارت بولیب، اونده وکیللر وظیفه سی دن سونگ، هر بیر وکیلگه مخصوص امتیاز جمله دن 25 فایز معاش، ایکی قوریقچی و سیاسی پاسپورتلری سقله نیشی نظرده توتیلگن.

اما بو وکیللردن بیری حبیبه دانش مذکور قانون وکیللرنینگ جانی سقله نیشی اوچون ضرور دییدی.

پارلمان اعضالری نینگ سونگی تدبیری حتی اجمتاعی ترماقلرده هم اعتراض و عکس العمللرگه سبب بولگن. کابل ده گی بیرقطار روزنامه لر هم بو قانون نینگ تصدیقلنیشی گه نسبتآ تنقیدی مقاله لر یازگن.