ساغلیق نی سقلش وزیرلیگی :توییب آوقتلنمه یدیگن باله لرمیزانی کمه یگن

افغانستان ساغلیق وزیرلیگی نینگ ینگی حساباتیده مملکت بویلب 40.9فایز بلاغت یاشیگه ییتمه گن باله لرتوییب آوقتلنمسلیگی معلوم قیلینگن.بورقم اون ییل مقدم 60.5 فایز بولگن.

بووزیرلیک رسمی لریگه کوره کودک لرنینگ توییب آوقتلنتیریش وضعیتی یخشی بولیشی بیلن اولرگه بولگن اولیم واقعه لری هم کمه یگن.

بوگون افغانستان ساغلیق نی سقلش وزیری ثریا دلیل بولیب اوتگن خبری انجمنده مملکت بویلب اوتکزیلگن بوتیکشیروو اون ییل دن کیین عملگه آشیریلگنینی ایتدی. بوخصوصده بولگن دستلبکی تیکشیروومیلادی 2004ییل عملگه آشگندی.

اونینگ معلوم قیلیشیچه میلادی 2004ییل بیلن حاضرگی اوتکزیلگن تیکشیروونی سالیشتیریب کورگنده، مملکت مقیاسیده توییب آوقتلنمه یدیگن باله لرمیزانی 60.5فایزدن 40.9فایزگه پسگه توشگن.

ساغلیق مسووللریگه کوره بو رقم توییب آوقتلنمه یدیگن کسللرسانی دن قریب بیر میلیوننی باله نی آزه یگنی نی کورسته دی.

خانم دلیل باله لراولیمی نینگ 45فایزی توییب آوقتلمنسلیک وضعیتی بیلن یقین علاقه ده ایکنی نی تاکیدلشه دی.

اونینگ بیلدیریشیچه باله لر نینگ توییب آوقله نیش شرایطی یخشی لنگن تقدیرده ییلیده 250مینگ باله اولیم حاللریدن قوتقزیله دی.

ساغلیق نی سقلش وزیرلیگی نینگ وقایه قیلیش بوییچه مسوولی توفیق مشال گه کوره توییب آوقتلنمه یدیگن لرمیزانی مملکت نینگ 20ولایتیده یوقاری سطحده بولیب کوپراغی افغانستان نینگ شمال، شمال شرق ومرکزیده جایلشگن.

آلیب باریلگن تیکشیروونتیجه سیگه قره گنده توییب آوقتله نیش وضعیتی اورته یاشلی عیاللرگه هم یخشی لنگن.

ساغلیق نی سقلش وزیرلیگی بونینگ آشیشیگه اوروش، قورغاقچیلیک، ییرسیلکینیشی وباله لرگه یوقه دیگن کسللیک لرسنچیق، ایچ کیتمه، وقیزموق نی سبب قیلیب کورستگن.

بو تیکشیروو ساغلیق وزیرلیگی تمانیدن بیرلشگن ملت لر تشکیلاتی نینگ باله لرگه یاردم کورسه تیش بولیمی یاردمی بیلن عملگه آشگن.