کابل هوا قونالغاسیگه اویوشتیریلگن گروهی هجوم یکون تاپدی

Image copyright Reuters

افغان امنیتی مقاملریگه کوره، کابل هوا قونالغاسی شمالیده جایلشگن یریم ایشلنگن بنالردن بیریگه کیریب هوا قونالغاسی نی هجومگه توتگن آلتی عصیانچی قریب بیش ساعت توقنه شوولردن سونگ هلاک ایتیلیب شو بیلن هجوم هم یکون تاپگن.

افغان امنیتی کوچلری نینگ خبرقیلیشیچه؛ ینگیل واغیر قوراللر بیلن جهازلنگن قوراللی عصیانچیلر بوگون ایرته لب ساعت تورت یریم اطرافیده هوا قوانالغاسیگه هجوم قیلیشگن.

اولر یریم ایشلنگن بنا دن توریب هوا قونالغاسی نینگ حربی بولیمینی نشانگه آلگنلر. عصیانچیلر و افغان امنیتی کوچلری اره سیده قریب بیش ساعت توقنه شوویوزبیریب، اخرگی عصیانچی اولدیریلگنیدن سونگ توقنه شوولرهم یکون تاپگن.

افغانستان ایچکی ایشلر وزیرلیگی نینگ خوف سیزلیک بویچه اورین باسری ایوب سالنگی نینگ توتیر صحفیده یازیشیچه، بنا نینگ تورتینچی قبتیده عصیانچیلردن بیری اوزینی پارتله تگن.

مقاملرگه کوره، یوزبیرگن توقنه شوولرده بیر پلیس یره لنگن.

امنیتی مقاملر ایسه مذکور هجوم ده کابل هوا قونالغاسیده گی حربی اوچاق لرگه هیچ قندی خساره ییتمه گنینی ایتگن، لیکن مسافر ته شووچی اوچاقلرنینگ اوچیب قونیشی هجوم پیتی توخته تیلدی، کابل هوا قونالغاسیگه قونه دیگن بیرقنچه اوچاق لرایسه هرات و مزار شریف هوا قونالغالریگه قونیشگه مجبور بولگن.

قورال بیلن جهازلنگن عصیانچیلر بوندن آلدین هم بیرنیچه مراتبه کابل هوا قونالغاسیگه گروهی هجوم اویوشتیرگن ایدی. همده انده سنده راکت هجوملری بیلن هم نشانگه آلینه دی.

طالبان عصیانچیلری مذکور گروهی هجوم مسوولیتی نی اوز ذمه سیگه آلگن.