اساسی قانوننی شرح لاوچی کمیسیون اعضالری پارلمان ایشانچینی قولگه کیریته آلمه دی

اساسی قانوننی نظارت ایتیش کمیسیون رییسی گل رحمان قاضی و ایککی اعضاسی محمد امین احمدی و محبوبه حقوق مل ینه بیر بار اولوسی جرگه نینگ ایشانچ آوازینی آلیشگه موفق بولمه دیلر.

اولوسی جرگه نینگ بوکونگی یغینی اساسی قانوننی نظارت قیلووچی کمیسیون رییسی و ایککی اعضاسیگه آواز بیریشگه قره تیلگن ایدی.اوشبو کمیسیون سابق رییسی گل رحمان قاضی کمیسیون ایککی اعضاسی بیلن جمهوررئیس بیرینچی اورین باسری یونس قانونی تامانیدن مجلس گه تانیشتیریلدی. اوندن کیین ملت وکیللری اولرنینگ تورت ییللیک فعالیت لری باره سیده سواللر قیلدی. ملت وکیلی نادر خان کتوازی بعضی بیر حالت لرده کمیسیونگه تیگیشلی ایشلر بجریلمه گنینی ایتدی.سوالیم شوکی بیزنینگ کتته قینچلیگی میز باش قاره لاوچی بیلن، سیز قانوننی شرح لاوچی کمیسیون رییسی سیز قاره لاوچی رییسنی جواب گرلیککه چقیریشگه بیزنی صلاحیتی میز بارمی؟ باشقه بیرقنچه مصوبه لر اولوسی جرگه تامانیدن تصدیق لندی اما حکومت تامانیدن رد ایتلدی کمیسیون بوخصوصده نیمه ایش قیلدی. دییدی او

گل رحمان قاضی جناب کتوازی نینگ سوالیگه شوندی جواب بیردی."تورت ییل جریانیده هیچ قندی مصوبه میز اکثریت بیلن صادر بولمی بلکه اتفاق رایلر بیلن صادر ایتیلگن، باش قاره لاوچی نی جواب گرلیککه چیقریش مساله سی باره سیده هم سوال بولدی.باش قاره لاوچی نی جواب گرلیککه چیقریش اوچون ملت وکیللرینی صلاحیتی بار. اما صلب اعتماد قیلیشینی نیچه تامانی بار". دییدی او

قاضی جنابلری، باش قاره لاوچی گه اعتماد سیزلیک رای بیریش اوچون قنده ی حقوقی مساله لر موجودلیگی باره سیده آچیق معلومات بیرمه دی.

نهایت ملت وکیللری کمیسیون رییسی و ایکی اعضاسیگه اواز بیریش صندوقلرینی قوییشگه قرار آلدیلر.

آواز بیریش نتیجه سیده گل رحمان قاضی 85 رد رای 53 موافق و بیش باطل رای الیب اکثریت اواز بیلن رد ایتیلدی.

شونینگ دیک محبوبه حقوق مل و محمد امینی هم اکثریت ملت وکیللری نینگ ایشانچ آوازینی قولگه کیریتیشگه موفق بولمه دی.

قاضی گل رحمان و کمیسیون نینگ ایککی اعضاسی تورت ییل دن بیری فعالیت آلیب باررایدی.

بوشخص لر قیته اوز لوازملریده کرزی تمانیدن سرپرست تعین ایتیله دی می یاکی اولر اورنیده باشقه شخص تنیشتیریله دیمی حاضرگه قدر معلوم ایمس.