جمهوررییسلیک سیلاو آوازلرینی تیکشیریش جریانی توخته دی

رای ورق لریده گی امضا اعتبارینی انیق لش خوصوصیده ایکی سیلاو تیم آره سیده پیدا بولگن قرشیلیکلر تیکشریش جریانینی توختب قالیشیگه سبب بولگن. مستقل سیلاو کمیسیونی جنجلرگه ایچیم یول تاپیش اوچون مذاکره لر دوام ایتیب کیله یاتگنی نی ایتدی.

افغانستان مستقل سیلاوکمیسیون سوزچیسی نورمحمد نور یوزه گه چیققن قرشیلیکلر سبب اوتگن کون رایلرنی تیکشیریش جریانی تعین ایتیلگن وقتیدن بیریریم ساعت الدین نهایه تاپگنینی ایتدی.

شونینگ دیک او، توشدن آلدین گه چه هم رایلرنی تیکشیریش جریانی عملگه آشمه گنینی تیلگه آلیب، ایکی سیلاو تیم ، بیرلشگن ملتلر وکمیسیون اره سیده مذاکره لر دوام ایتیب کیله یاتگنینی ایتدی. اونگه کوره قرشیلیک لر برطرف ایتیلیشی بیلن رایلرنی تیشکریش جریانی قیته باشلنیشی ممکن.

نورجنابلری نینگ ایتیشیچه، شخص نینگ کیم لیگینی انیق لیدیگن رای ورق لریگه امضا یا شصت قوییش رای نی اعتبار سیز قیله دی:" نامزدلر وکیللری نیمه امضا ونیمه امضا بولمسلیگی خصوصیده جنجل قیلگن، نامزد اسمی مقابلیده بیرنیچه خط تارتیلگن. بو امضا می یاکی تیک مارک؟ بونینگ اعتبار بارمی یاکی یوق؟ سیلاوتیم لریدن بیری بونی اعتبارلی بیلیب باشقه بیری هم اعتبار سیز."

آوازلرنی تیکشیریش و رای صندوقلرینی مرکزگه ییتکیزیش جریانی سرطان ای نینگ 26- ده باشلندی.

مستقل سیلاو کمیسیون سوزچیسی گه کوره، بو جریان باشلنیشدن بیری حاضرگه قدر 435 صندوق رایلری تیکشیریلگن. همده او بیرقنچه رای صندوقلری کابلگه ییتکزیلگنینی ایتدی:" قریب 23 مینگ رای صندوق دن کابل ولایتیگه تیگیشلی اوچ مینگ رای صندوق داخل 8 مینگ رای صندوقی مرکزده موجود."

تیکشیریش جریانی توخته تیلگن بولسه هم رای صندوقلرینی ولایت لردن کابلگه ییتکیزیش جریانی دوام ایتیب کیله یاتگنی ایتیلماقده.

مستقل سیلاو کمیسیون معلوماتی اساسیده ایککی سیلاو تیم دن 559 نظارتچی ایچکی قوریلمه لردن 307 کوزه توچی و 282 خلق ارا نظارت چی تیکشیریش جریانینی نظارت قیله دیلر.