فاریابده یوزبیریب کیله یاتگن توقنه شوولرده 15 طالب و 8 پلیس هلاک بولگن

Image copyright bbcuzbek

رسمیلرگه کوره فاریاب ولایتی نینگ قیصار تومنیده طالبان و افغان امنیتی کوچلری آره سیده کیچه یاتگن توقنه شووده15 طالب و8 محلی پلیس هلاک بولگن. همده عینی منطقه ده بیر موتر ماین بیلن دوچ کیلیب بیر عایله دن بیش کیشی قربان بولگن.

209 شاهین قول اوردوسی نینگ فاریاب ولایتی ده گی مطبوعات مسولی رضا رضایی نینگ بی بی سی گه معلوم قیلیشیچه قیصار تومنی نینگ شاخ منظقه سیده محلی پلیس گه تیگشلی اوچ امنیتی پوسته طالبان تمانیدن تصرف ایتلگن.

رضایی جنابلری اوشبوتوقنه شولر نتیجه سیده 15قورالی طالب جسدی اوروش میدانیده قالگن لیگینی ایتیب، همده 17جنگری هم تن جراحتی آلگن لیگینی ایتدی.

شونینگدیک رضایی جنابلری محلی پولیس کوچلریدن هم 8کیشی هلاک بولگن لیگینی ایتیب، 2ملی اوردو عسکری هم تن جراحتی آلگن لیگینی اورغولیدی.

ملی اوردو سوزچیسی قیصار تومنی نینگ شاخ منطقه سیدن تومن مرکزیگه قره ب کیله یاتکن تنچ اهالی نینگ موتری یول چیکه سیگه کومیلگن ماین گه دوچ کیلیب اوشبو موترده بولگن 5کیشی بیرعایله اعضاسی هم قربان بولگن لیگینی معلوم قیله دی. رضایی جنابلری اوتکن اوچ کون جریانیده بولگن اوروش لر نیتجه سیده شاخ منطقه سی یشاوچی لریدن 4000 دن آرتیق عایله اوی – جای لرینی تشلب چیققن لیک لرینی ایته دی.

اونگه کوره، طالبان گروهی اوشبو منطقه یشاوچی لریگه 12ساعت ایچیده اوز اوی جایلرینی تشلب چیقیش اوچون وقت بیرگن لر.

رضایی جنابلری اویلریدن آواره بولگن کیشی لر قیصار تومنی نینگ مرکزی گه کیلیب آچ و سوو سیز درخت لرتگیده یشب تورگن لیک لرینی ایتیب، بیراق محلی مسوللر اولرگه هیچ قندی توجه قیلمه گن لیک لرینی ایته دی.

رضایی اوچ کوندن بیری کیچه یاتکن قیصارتومنیده گی اوروش لر اون – اون ایکی ییل ایچیده بولگن اینگ آغیراوروش لردن بیری بولگن لیگینی اورغولیدی. فاریاب محلی مسوللری رسانه لرگه بوخصوصده معلومات بیریش دن باش تارتماقده لر.