بی بی سی اوزبیک خذمتی شمالی سرپل ولایتیده

Image copyright bbc uzbek

بی بی سی جهان خذمتی افغانستان نینگ شمال غربی حدود لریگه اوزبیک تیلده گی رادیو ایشتریشلرینی کینگراق یاییشگه قرار قیلدی.

اوزبیک جماعه لری کته بولگن جوزجان و سرپل ولایت لریده گی تینگلاوچی لرگه سرایش رادیو 91.1 اف ام بیلن امضا لنگن همکارلیک طفیلی مذکور رادیو بی بی سی اوزبیک خذمتی نینگ بیر ساعت لی ایشیتتیریشلرینی هر کونی محلی وقت بیلن ساعت 17.30 دن باشلب 18.30 گچه هواگه اوزته دی.

سرایش رادیو 91.1 اف ام شخصی رادیو بولیب، تینگلاوچی لرنینگ مهم قسمینی عیاللر تشکیل قیلیشه دی .

Image copyright bbc uzbek

شونینگ دیک، رادیو خاتین- قیزلرنینگ معارف و اولرنینگ جمعیت دن توتگن اورنی کبی نازک مساله لرگه بغیشلنگن ایشیتتیریشلر تیارلیدی .

سرایش رادیو سی ینگی لیک و خبرلرنی ، همده یاشلر و تعلیم تربیه، مخصوص"بحث برنامه " کبی ایشیتتیریش، قیسقه درمه همده سپورت گه عاید دستور لرنی هوا گه اوزته دی .

بو رادیو نینگ تولقین لری باریب ایته دیگن منطقه نینگ اکثر اهالی سی اوزبیک تیلیده سوزله شه دی .

سرایش رادیو سی اساسچی سی و باشلیغی فریده رحیم عزیزی بوندی دیدی:" رادیو میز نینگ هر بیر خادمی بی بی سی بیلن همکارلیکده نهایت خرسند. همکارلیک توزگنمیز طفیلی بی بی سی دستور لری منطقه میزده یشه ی دیگن اوزبیک زبان تینگلاوچی لر میزگه خالص و بی غرض ینگی لیک لر همده معلومات لرنی ایتکزیب بیریش امکانینی یره ته دی . بو سرایش رادیو سی و تینگلاوچی لری اوچون خوش خبردیر".

بی بی سی مرکزی آسیا خذمتی باش محریردی حمید اسماعیل نینگ ایتیشیچه" خلق ارا ینگی لیکلر و خبرلر افغانستان نینگ عینا بو منطقه سیگه آسان ایتیب بارآلمیدی. سرایش رادیو سی بیلن امضا لنگن همکارلیک نتیجه سیده اوزبیک ایشیتتریشلر میز اوزبیک زبان تینگلاوچی لری میز اوچون مولجللنگن. خصوصا، قیشلاق جای لرده استقامت قیله یاتگن عیاللرنی نظرده توترسک، بو اولر اوچون دنیا نینگ تورلی برچکلریدن ینگیلیکو تحلیللرنی اوز آنه تیلیده ایتکزیب بیریشنی انگله ته دی".

بی بی سی خذمتی بی بی سی جهان خذمتی نین قسمی دیر.