افغانستان زیمبابوه نینگ کوچلی کرکت تیمینی مغلوب ایتدی

Image copyright Getty

فغانستان کرکت تیمی زیمبابوه ده اوتکزیلگن بیر کونلیک مسابقه لرنینگ اوچینچی اویینیده، میزبان تیمیگه غالب چیقدی.

بولاویو شهریده اویوشتیریلگن اویینده، باشله نیشده زیمبابوه تیمی اویین نی باشله دی و 161 امتیاز قولگه کیریتدی.

زیمبابوه تیمی اویین نی یخشی باشله دی، ایکی اویینچسی 145 امتیاز قولگه کیریتیشگه موفق بولدی.

زیمبابوه اویینچیلریدن بیری مسکاتز یخشی رول اوینه دی او 84 امتیازنی اوزیگه قره تدی.

اما مسکاتز نی اویین دن چیقه ریلگن دن سونگ، افغانستان اوینچیلری اویین میدان نی قولگه آلیشدی.

زیمبابوه تیمی جمعآ 261 امتیاز قولگه کیریتگن و افغانستان اویین یوتیش اوچون 262 امتیازگه محتاج ایدی.

افغانستان تمانیدن جاوید احمدی بیرینچی بولیب، توپ نی باشله دی. او بیش آور ده 36 امتیاز نی قولگه کیریتیشگه قادر بولدی.

اوندن کیین عثمان غنی 43 امتیاز نی کسب ایتدی.

شونینگ دیک، افغانستان اویینچیلری میدان ده بولیب، نهایت 199 امتیاز نی اوزیگه کسب ایتدی.

46 آورگه ییتگونچه، ایکله اویینچی 30 امتیاز افغانستان فایده سیگه آلیب کیلدی و شو بیلن تورت آور ده موفقیتلیک اوچون 46 امتیاز ضرورت ایدی.

افغانستان زیمبابوه ده اوتکزیلگن بیر کونلیک کرکت مسابقه سیده غالب چیقدی. حاضر افغانستان 2 و زیمبابوه 1 حسابیده.

افغانستان ایکینچی بار دیر که کرکت کوچلی تیملریدن بیرینی مغلوب ایتماقده.