اسراییل نینگ غزده گی هجوملری کرزی تامانیدن قتیق قاره لندی

Image copyright bbc

افغانستان جمهوررییسی حامدکرزی فلسطین مختاریتی رهبری محمود عباس گه مکتوب یولب اسرایل هجوملرینی قتیق قاره له گن همده، کرزی تامانیدن یولنگن مکتوبده افغانستان خلقی غزه ده گی قیغوگه اوزینی شیریک بیله دی دیب یازیلگن.

افغانستان تشقی ایشلر وزیرلیگی تامانیدن مطبوعات گه یولنگن بیاناتیده کرزی مکتوبی و اوته یمان بیر وضعیت ده افغانستان دولتی 500 مینگ دلار نی فلسطین لیک لر اوچون اهدا قیلدی دیب تذکر ایتیلگن.

اوتگن چهار شنبه کونی جمهوررییسلیک سرای بیر خبرنامه ترقه تیب، جمهوررییس اورین باسرلری ، ملی امنیت مصلحت چیسی مالیه وتشقی ایشلر وزیرلری اشتراکیده بولیب اوتگن جلسه ده 500 مینگ دلار فلسطین خلقی گه یاردم قیلیش قراری آلینگنیدن خبربیرگن ایدی. بیرینچی بار جمهورریس حامدکرزی 1391 ییل فلسطین توپراغیده یهودیلر اوچون شهرچه لر ایجاد ایتیلیشینی قاره لب منطقه بویچه صلح جریانیگه منفی تاثیر قالدیریشینی ایتگن ایدی.

اوتگن اون ییل جریانیده افغانستان دولتی اسراییل نینگ بوکبی حرکتی گه هیچ قندی مناسبت بیلدیرمه گنف حتی غزه اوروشی باره سیده هم.

رقم لرگه کوره، اوتگن بیرهفته جریانیده اسراییل هجوملریده یوز باله داخل 649 فلسطین لیک قربان بولگن. حماس هجوملریده شو پیتگه قدر 29 اسراییل عسکر ی هلاک بولگن. همده ایککی عادی اهالی هم حماس نینگ راکتی هجوملری نتیجه سیده قربان بولگن.