تخارده یوزبیرگن پارتلشده کمیده 9 کیشی هلاک بولدی

Image copyright BBC World Service

تخار ولایتی نینگ ولایت حاکمی سوزچیسی سنت الله تیمور اوشبو ولایت نینگ خواجه غار تومنیده یوزبیرگن ماین پارتلش عاقبتیده 9 کیشی هلاک و ییگیرمه یتتی کیشی یره لنگنینی ایتدی. اونگه کوره، قربان لرنینگ برچه سی تینچ فقرا بولگن.

محلی مقاملرگه کوره،حادثه بوگون محلی وقت ساعت اون یریم اطرافیده خواجه غار اولسواللیگی شهریده یوز یوزبیرگن.

تخار ولایتی نینگ ولایت حاکمی سوزچیسی سنت الله تیمورگه کوره ،محلی پلیس کوچلری گوجوم بازاردن اوته یاتگن بیرپیت موترسایکل گه اورنه تیلگن پارتلاوچی ماده پارتله تیلگن. تیمور جنابلریگه کوره، پارتلشده بیر محلی پلیس عسکری هم قربان بولگن.

یره لنگن لردن یتتی ته سینی وضعیتی آغیر بولگنی ایتیلماقده. هجوم مسوولیتی نی حاضرگه قدر هیچ بیرگروه یاش شخص اوز ذمه سیگه آلمه گن.

خواجه غار تومنی تاجیکستان بیلن چیگره داش بولیب ایریم حدودلریده ایچکی و چیت ایللیک عصیانچیلر فعال بولگنی ایتیلماقده.

عینی حالده شرقی ننگرهار ولایتی نینگ خوگیانی تومنیده یوزبیرگن انتحاری هجومده ایککی محلی پلیس هلاک و بیر پلیس هم یره لنگن. محلی مقاملرگه کوره، انتحارچی محلی پولیس امنیتی پوسته سی مقابلیده اوزینی پارتله تگن.

طالبان بیر خبرنامه ترقه تیب هجوم مسوولیتی نی اوز ذمه سیگه آلیب محلی پلیس قوماندانلریدن بیری داخل اون محلی پلیس عسکری هلاک بولگنینی ادعا قیلگن.