سیلاو آوازلرینی سنه ش جریانی هییت اوتگونچه توخته تیلدی

Image copyright Reuters

افغانستان سیلاولر مستقل کمیسیونی رییسی نینگ اعلان قیلیشیچه، جمهور رییسلیک ایککینچی دور سیلاوی آوازلرینی سنه ش جریانی نامزدلرنینگ نهایی کیلیشوویگه قدر، توخته تیلگن.

یوسف نورستانی گه کوره، سنه ش جریانی نی نظارت ایته یاتگن برچه ناظرلر عبدالله اشرف غنی نینگ ناظرلری جزیی جنجللر سبب، سنه ش جریانی نی ترک ایته یاتگنی نی معقول کوریشمه گن.

نورستانی جنابلری نینگ ایتیشیچه، ایکله نامزد ناظرلری سنه ش معیارلری اوستیده کیلیشیب آلمه گونچه، بو جریان هییت کونلری گه قدر توخته تیلگن.

او، خلق ارا نظارتلر سانی آشیریلیشی کیره کلیگی نی تاکیدلب، اولرنینگ سانی آشیشی نامزدلرنینگ کیلیشوویگه سبب بولیشی ممکنلیگی نی ایتگن.

او شونینگ دیک، خلق ارا نظارت چیلر کوپه یتیریلیشی جریان نینگ تیزلشتیریلیشیگه هم آلیب کیله دی.

تحول وتداوم تیمی سوزچیسی فیض الله ذکی اولر بو جریان نینگ توخته تیلیشیگه باعث بولمه گنلر، بلکه اصلاحات و همگرایی تیمی ایش نینگ توخته لیشیگه سبب بولگنینی تیلگه آلگن.

اونینگ ایتیشیچه، اوتگن کون برلشگن ملتلر تشکیلاتی نینگ کابلده گی وکالتخانه سی آوازلرنینگ بیکار قیلیش جریانی تیکشیریلیشی گه ملاحظه کورستیب، نهایت بونی تن آلیشگن.

ذکی جنابلریگه کوره، یوناما اصلاحات و همگرایی تیمی نینگ ایشانچی بولگنی سبب، بونی قبول قیلیشی کیره ک. اونگه کوره، افغانستان خلقی نتیجه نی کوتیب توریشگن و ناظرلرنینگ محل نی ترک ایتگنی وعیبلاو قویه یاتگنی همه نی چرچتگن.

اونینگ تاکیدلشیچه، سنه ش جریانی بوگون ساعت 11 دن توخته تیلگن.

معلوماتلرگه کوره، جریان نینگ توخته تیلیشیگه، تحول وتداوم تیمی 12 ماده اساسیده یوناما تمانیدن تیارلنگن چیک لیست نی قبول قیلمه گنی سبب بولگنی ایتیله دی.

عین حالده عبدالله عبدالله تیمی سوزچیسی اوریا بیر نیچه ولایتدن کمیسیونگه آلیب کیلینگن خادملرنی جریان تیکشیریلیشی نی سوال آستیگه آلگنی نی ایتگن.

اونگه کوره، اصلاحات وهمگرایی مذکور خادملرنینگ یوز فایز محکمه ایتیلیشیگه طرفدار.

امریکا جمهور رییسی باراک اوباما بیر تیلفون علاقه ده عبدالله عبدالله و اشرف غنی احمدزیلر بیلن سوزلشیب، اولرنینگ ملی بیرلیک دولت تشکیل ایتیشی باره سیده کیلیشوویلرینی آلقیشله گن.