اوباما احمدزی و عبدالله لرنینگ همکارلیک بیرلیگی نی آلقیشله دی

Image copyright AFP

اشرف غنی احمدزی و عبدالله عبدالله بوندن ایکی هفته مقدم جان کیری نینگ حضوریده بیر بیراویگه همکارلیک قول بیریشدی.

امریکا جمهور رییسی باراک اوباما افغانستان جمهور رییسلیگیگه دعواگر اشرف غنی احمدزی و عبدالله لر بیلن تیلفون آرقه لی صحبتلشیب، اولرنینگ ملی بیرلیک دولت تشکیل ایتیشلری باره سیده کیلیشیب آلگنلرینی آلقیشله گن.

اوباما جنابلری شونینگ دیک، ایکله نامزدنینگ ایککینچی دور سیلاو نتیجه لری نی قبول قیلیشلری باره سیده گی کیلیشووی باره سیده منتدارچیلیک بیلدیرگن. اوباما صندوقلر آوازلری جان کیری و حامدکرزی لرنینگ یقین مصلحتلری حضوریده سنه له یاتگنی نی ایتگن.

او عبدالله و احمدزی لردن آوازلرسنه لیشی جریانی آلغه سیلجیشی بیلن اورته لریده عملگه آشیریلگن کیلیشوو نی آچیق اعلان قیلیشلرینی سوره گن.

اونگه کوره، افغانستان خلقی شو طریق دن سیلاو نتیجه لری سیاسی جریانگه نسبتآ ایشانچ قولگه کیریته دی.

افغانستان جمهور رییسلیک ایککینچی دور سیلاو نتیجه سی اعلانی عبدالله عبدالله نینگ اعتراضیگه سبب بولدی. بو مسله ایکله نامزدنینگ بوتون آوازلر قیته سنه لیشی باره سیده کیلیشیب آلیشیگه سبب بولدی.

اولر شونینگدیک، سیلاو دن سونگ، ملی بیرلیک دولت توزیشی و سیلاو نتیجه سینی تن آلیشلری باره سیده حجت امضالشدی.

بو کیلیشووگه کوره، غالب چیققن نامزد مغلوب نامزد گه اجراییه لوازمینی بیریشی کیره ک.

شونگه قره مسدن، اوتگن بیر نیچه کون ایچیده ایکله تیم اعضالری اشرف غنی و عبدالله عبدالله لر اورته سیده جنجل پیدا بولگنی احتمالی باره سیده مطبوعات گه گپیریشگن.