مزارشریفده هییت مراسمی نیگه قیزیق کوتیب آلینمه یپدی؟

Image copyright bbc uzbek

هرییل جهان بویچه مسلمانلر رمضان هییت مراسمینی خاص علاقه بیلن کوتیب آله دیلر. بوهییت افغانستانده هم باشقه اسلامی مملکت لرگه اوخشب اوزاورنیگه ایگه دیر، بومملکت نینگ اهالیسی هم رمضان آیی نینگ یریمیدن هییت اوچون خاص تیارگرلیکلرکوریشگه اونده یدیلر. لیکن بوییل ایسه مملکت نینگ اکثری ولایتلریده سیلاولرنینگ نتیجه سیزقالیشی همده ناتینچ لیکلرباعث اهالینی بیرآزتشویشگه سالدی. بوییل افغانستان نینگ تینچ همده مرکزی ولایتلریدن سنلمیش مزارشریفده هییت مراسمی اهالی تمانیدن قیزیق درجه ده نشانلنمه دی. نظیمه بلخ ولایتی نینگ مکتب لریدن بیریده سرمعلم، اونینگ ایتیشیچه، اوتگن ییلگه قره گنده بوییل بیرتماندن خلق نینگ اقتصادی ضعیف لشگن . همده بولردن مهمی سیلاولرنینگ نتیجه سی کیچ قالیشی دیر. باشقه تماندن ایسه، بازارده گی اشیالراوته قیمت. بواشیالرنی آلیشگه اهالی نینگ قربی ییتمه یدی. دکاندارلراشیالرینی دالرحسابیده آلگنلرشواوچون اهالی گه ارزان بیریشنی ایستمه یدیلر.

Image copyright bbc

حاجی غیاث الدین شهردکاندارلردن بیری، اوهم اوتگن ییللرگه قره گنده بوییلگی هییت مراسمیده اهالی اونچه لیک علاقه کورستمه سلیگیدن همده بازارسستلیگیدن شکایتده.

شونگه قره مسدن بیرتماندن اهالی قنچه لیک ناامید بولمه سین، لیکن بعضیلری ایسه، کیله جککه امیدوار. بوندن بیرنیچه کون آلدین بلخ ولایتیده هم سیلاولرنینگ میش میشی اهالیگه کتته تشویش خلق قیلگندی، لیکن حاضرایسه وضعیت بیرآزتینچله نیب اهالی هییت مراسمیگه تیارگرلیک کورماقده لردییدی سیدجواد.

Image copyright bbc

حاضربازارلرگاوجوم اهالی خرید قیلیش اوچون شهرچیققنلر، بیرنیچه کون آلدین سیلاولرهمده خوفسیزلیک مساله سی اهالینی تشویشگه سالیب حتی اویدن چیقه آلمس ایدیلر. حاضروضعیت یخشی بولگن اهالی آسوده لیک بیلن اویدن چیقیب هییت مراسمی اوچون سودا ساتیق لرینی قیله آله دیلر. دولت هم اهالی تینچ لیک بیلن هییت مراسمینی اوتکزیش اوچون اوزسعی حرکت لرینی قیلماقده. بیزهم دولتدن مملکت میزده خوفسیزلیکنی تامین لنیشینی ایسته یمیز.

لیکن، شهردکاندارلریدن بولگن عبدالستاربیگ زاده ایسه، اهالی نینگ بوهییت کیلیشی بیلن تیارگرلیکلری اونچه لیک کوزگه کورینرلی ایمسلیگیدن سوزیوریته دی. اونگه کوره، بیرتماندن سودا ساتیغ یوقلیگی، خلق نینگ ایش سیزلیگی همه نینگ روحی تشویشگه سالگن.

هربیرمملکت نینگ یوکسه لیشی تینچ لیک همده خوفسیزلیک بیلن بیرگه دیر. افغانستان دیک بیرکمبغل مملکت اهالیسینی نه فقط سیلاولرمساله سی تینچ حیات کیچیریشلریگه توسیق بولیب کیلماقده، بلکه بوندن باشقه تورلی قیین چیلیکلراهالینی کون – سین تشویشگه سالیب بارماقده. اهالی نینگ بوناتینچ لیکلری ایسه، دولت ضعیف لیگی دیب بیلسه بوله دی.