قندهارده افغانستان جمهور رئیسی نینگ عمک بچه سی ترورایتیلدی

دولت منبع لری جمهور رئیسلیک نامزدلریدن بولگن اشرف غنی احمد زی طرفداری بولگن جمهور رئیس کرزی عمک بچه سی حشمت کرزی هلاک ایتیلگنی نی تصدیقله گن لر.

قندهار پلیس قوماندانی سوزچیسی ضیادرانی بی بی سیگه انتحارچی شخص قوم باشلیغ لری اونینگ اوییگه کیره یاتگنده فرصتدن فایده له نیب اوییگه اوتیب اوزینی پارتله تیب یوبارگنینی ایتدی.

درانی جنابلریگه کوره اوزینی پارتلتگن 16یاشده بولیب حشمت کرزی گه قول بیریش پیتی یوکلنگن پارتلاوچی ماده نی پارتله تیب اونی هلاک ایتگن. حاضرگه قدربوحادثه ده باشقه تلفات لربارلیگی نامعلوم.

حاضرگچه هیچ بیرگروه کرزی جنابلری نینگ اولدیریش مسوولیتی نی اوز بوینیگه آلمه گن.

اوزینی پارتلتگن شخص هییت مناسبتی سبب قوم باشلیغ لری بیلن کرزی اوییگه بارگن ایکن لر.

محلده گی بی بی سی مخبری مامون درانی اونینگ اوییگه تشریف کیلتیره دیگن مهمان لر تیکشیریله یاتگنی نی ایته دی، اما سنتی شکلده مهمان لرنینگ سله سینی تیکشیریلیشی شخصیتی گه ماس کیلمسلیگی اوچون تیکشیریلمه یدی.

افغانستان جنوبیده سله ایرکک لرآبرو وغرورنی تمثیل قیله دی.

اوتمیشده بامبلرنی سله آره سیده یاشیریش حاللری قندهار وایریم ولایت لردن گزارش قیلینگن ایدی.

سابق تینچلیک عالی کینگشی رئیسی برهان الدین ربانی وقندهار نینگ سابق بلدیه رئیسی هم سله ده اورنه تیلگن ماین پارتله تیلگنی سبب اولدیریلگن ایدی.

هجری قویاش 1390 ییلدن بیری کرزی عایله سیدن بو بیلن ایکی کیشی ترور ایتیله دی، بوندن آلدین کرزی نینگ ایناغه سی اوز قوریقچی لری تاماندن آتیب اولدیریلگن ایدی.

کرزی عایله سی نینگ نفوذلی شخصیت لریدن بولگن حشمت کرزی اشرف غنی احمد زی نی جمهور رئیس لیک سیلاوی نینگ ایکینچی باسقچیده قوللب قوتلگن ایدی.

او اوتمیشده خصوصی امنیتی شرکت لرنینگ رهبری ایدی. او ییرتقیچ حیوانلرنی آولش وقندهارده گی اوییده سقلشده شهرت تاپگن کیشی لردن بیری ایدی.