آوازلر تیکشیریلیشی عبدالله نظارتچی لری بولمسدن باشلندی

Image copyright

افغانستان سیلاولر مستقل کمیسیونی گه کوره بوکمیسیون جمهور رئیس لیک سیلاو نینگ ایکینچی باسقیچ آوازلری تیکشیریلیش ایشینی باشله دی.

بو کمیسیون سوزچیسی نورمحمد نور کابلده یولگه قوییلگن خبری انجمنده بوجریان ایکی یوزتیم تمانیدن توشدن آلدین وتوشدن کیین تیکشیریلیشی نی بیلدیردی.

اونینگ ایتیشیچه عبدالله عبدالله سیلاوتیمی بوجریانگه قوشیلیشی اوچون بوگون توشگچه کوتیلگن، بیراق عبدالله عبدالله سیلاوتیمی جریانگه قوشیلگنی اوچون توشدن کیین بوجریان باشلندی.

نورجنابلری عبدالله عبدالله سیلاو تیمی جریانگه قوشیلیب نظارت قیلیشی نی طلب قیلدی.

او عبدالله عبدالله سیلاوتیمی جریانگه قوشیلیشی اوچون ایلگری سورگن تکلیف لری انابتگه آلینیب ایندی جریانگه قوشیلمسلیگی اوچون باشقه بهانه گه اورین قالمه گنی نی تیلگه آلدی.

سیلاوکمیسیونی گه کوره بوندن آرتیق بوجریاننی کیچیکتیریلمسلیگی نی معلوم قیلیب وبوجریان یوزلب خلق ارا وایچکی کوزه توچی لرتمانیدن نظارت ایتیلگنی اوچون اعتبارگه ایگه بولگن.

باشقه تاماندن بو کمیسیون سوزچیسی نینگ تاکیدلشیچه آوازلرنی تیکشیریش جریانی عبدالله جنابلری تمانیدن بیریلگن سوزی اساسیده باشلنگن وایکی نامزد تمانیدن تصدیقلنگن آوازلرنی بیکار ایتیش طرزالعملی هم بیرلشگن ملت لر تشکیلاتی تمانیدن بو کمیسیون گه تاپشیریلگن.

عین حالده نورجنابلری بیرلشگن ملت لرتشکیلاتی وآیساف کوچلری یاردمی بیلن 32ولایت دن 19مینگدن کوپراق آوازصندوقلری ییتکزیلگنی نی معلوم قیلدی.

ییتکزیلگن بوآوازلر 24جوزا ده بولیب اوتگن افغانستان جمهور رئیسلیک سیلاویگه بیریلگن آوازدن 78.2فایز ی نی تشکیل بیره دی.

حاضرسیلاو آوازلرینی یقیندن کوزه تیب تورگن خلق ارا نظارتچی لرسانی 900کیشی گه ییته دی.

بوندن تشقری 1000دن آرتیق ایچکی نظارتچی لرهم بوجریاننی کوزه ته دی.

بوندن آلدین آوازلرنی تیکشیریش جریانی تورت مرته توخته تیلیب بوگون قیته باشلندی.