عبدالله عبدالله سیلاوده عملگه آشیریلگن قلابلیک آوازلردن ینه بیرته سینی فاش ایتدی

Image copyright khalili.af

عبدالله عبدالله سیلاوتیمی افغانستان جمهور رئیسی نینگ ایکینچی اورین باسری کریم خلیلی نی رقیب نامزدی منفعتی گه اره لشگن لیککه عیبله دی. بوحجت یازیب الینگن سیس دن عبارت بولگن.

بو تیم افغانستان جمهور رئیس سیلاوی نینگ ایکینچی باسقیچی گه عایدساخته کارلیک حجتی نی رسانه لرگه تاپشیردی

بو حجت افغانستان جمهور رئیسی اورین باسری کریم خلیلی گه تیگیشلی بولگنی ادعا قیلینیب، یازیب آلینگن بوصحبتده خلیلی جنابلری اشرف غنی احمدزی غالب بولیشی ممکن لیگی باره سیده ایشانچ بیره دی.

بو یازیب آلینگن اودیوده خلیلی گه کوره" آچیق وایشانچ بیلن ایته من، غالب لیک سیزنینگ تیمینگیزنصیبی بوله دی، همه دن آلدین سیزلرنینگ آره لرینگیرده بولگن اشرفی غنی احمد زی نینگ ایکینچی اورین باسری سرور دانش گه غالبلیک مساله سینی تبریک له یمن".

عبدالله عبدالله سیلاوتیمی گه کوره بوحجت حقیقی بولیب وبونی نشر ایتیشدن مقصد کمیسیون حکومت اویینچاغی بولگن وسیلاوده انیق نامزد فایده سیگه قلابلیک قیلیشگن.

ارسلایی جنابلری بو حجت قه ییردن آلینگن منبع سی باره سیده معلومات بیریشمه دی، اما خلیلی بو صحبت لرنی مخصوص ییغین ده تیلگه آلگنی نی بیلدیردی. واومجلسده گی کیشی لردن قیلگن صحبت لری تشقریگه چیقمسلیگی نی سوره گنی نی ایتدی.

عبدالله عبدالله واشرف غنی احمد زی بوندن 20کون آلدین آوازلرتولیق تیکشیریلیشی باره سیده کیلیشگن دیلر. اما حاضرعبدالله عبدالله سیلاو تیمی بوجریان نی تحریم قیلیشگن.

خلیلی گه عاید سیس نینگ ینه بیر قسمیده کیلیشیچه " مین افغانستان جمهور رئیسی وخلق ارا هم جمعیت دوست لریمیز بیلن بولگن صحبت لریمده هرقنده ی امکانیت دن بوتیم منفعتی اوچون قانونگه قرشی بولگن تقدیرده هم ایش آلیش لری باره سیده سوزبیردیلر دیب ایته دی". ."

عبدالله عبدالله سیلاوتیمی گه کوره بوسیس لرگه قره گنده دنیا جماعه چیلیگی افغانستانده گی روللری خصوصیده آچیقلیک بیریش لری کیره ک.

افغانستان جمهور رئیسی اورین باسری کریم خلیلی نینگ دفتر رئیسی عباس بصیر بوحجت نی ساخته بولگنی ایتدی.

بصیر جنابلری بی بی سیگه رسمی مناسبت لرینی ایرته دوشنبه اعلان ایتیش لری ممکن لیگی نی بیلدیردی.

اونگه کوره بوسیس ساخته بولیب خلیلی جنابلریگه تیگیشلی بولمه گن.

عبدالله عبدالله سیلاوتیمی نینگ معلوم قیلیشیچه خلیلی جنابلری نینگ سیسی نی بیرقسمی وسیلاوگه عاید قلابلیک باره سیده باشقه حجت لرهم اختیارلریده بولگن.

عبدالله عبدالله سیلاو تیمی جان کری کیلیب ایکی تیم اورته سیده کیلیشووگه ایریشیلمسدن آلدین شونگه اوخشش حجت لرنی رسانه لرگه تاپشیرگندیلر. ودولت رسمی لری وسیلاوکمیسیون خادم لرینی سیلاوده تقلب قیلگن لیککه عیب له گندیلر.

اما بو تیم آوازلرنی تیشکیریش جریانی تحریم ایتیش بیلن حجت لرنی فاش ایتیش نی باشله گن.

عین حالده بو تیم ایسه بوجریاننی نمایشی دیب ایتیشگن.