کابلده تورت ملی اردو عسکری هلاک ایتیلدی

Image copyright moi.gov

افغانستان مدافعه وزیرلیگی گه کوره بوگون ایرته لب یول یانیده اورنه تیلگن ماین پارتله شی عاقبتیده تورت ملی اردو عسکری هلاک بولیشگن.

بو وزیرلیک سوزچیسی جنرال ظاهر عظیمی گه کوره بوعسکرلر کابل جنوبی ده جایلشگن موسهی تومنی ده گیزمه قیله یاتگن بیرچاغده بوحادثه یوزبیرگن.

عظیمی جنابلری گه کوره بوپارتلشده باشقه تورت عسکرهم تن جراحتی آلیشگن.

باشقه تاماندن افغانستان ایچکی ایشلروزیرلیگی، جنوبی هلمند ولایتی نینگ سنگین اولوسوالیگیده اوتکزیلگن تازه لش عملیاتیده دولت مخالف لریدن 30نفراولدیرلگنی باره سیده خبربیریشگن.

بو وزیرلیک تاماندن نشر ایتیلگن بیاناتده اوشبوعملیات ده یوزلب پلیس واردوکوچلری حصه قوشگنی معلوم قیلینگن.

افغانستان ایچکی ایشلر وزیرلیگی هیچ بیرمملکت دن آت توتمسدن هلاک ایتیلگن لر آره سیده خارج وطنداشلری هم بولگنی نی ایتگن.

شونینگ دیک بو وزیرلیک بوعملیاتده 45قوراللی هم یره لنگنی باره سیده خبر بیریلگن.

عین حالده هلمند پلیس سوزچیسی شاه محمود آشنا بی بی سی بیلن اوتکزگن صحبتیده اوشبوعملیاتده بیرنفر پلیس هلاک بولگنی نی معلوم قیلگن.

اوزینی طالبان سوزچیسی دیب تنیشتیرگن قاری یوسف احمدی رسانه لربیلن علاقه قوریب سنگین تومنیده بوگروه تاماندن عملگه آشگن هجومده بیر پلیس اولیب وباشقه بیرپلیس هم یره لنگنی نی ایتگن.

اونینگ ایتیشیچه اوتگن کونی بوگروه اعضالری سنگین تومنی حاکملیگی اداره سی وحربی قرارلردن بیریگه هجوم قیلیشگن لر.