تخارولایتی ده تاغ سیلجیشی عاقبتیده کمیده اوچ کیشی اولگن

تخارولایتی نینگ محلی رسمیلریگه کوره بوحادثه کون کیچه ساعت اون اطرافیده بوولایتده جایلشگن چاه آب اولسواللیگی نینگ ذکرآباد منطقه سیده روی بیرگن.

رسمیلرگه کوره قشلاق ده گی تاغ لردن بیری محلده گی یشاوچی لرنینگ بیرینی اویگه آغدیرلیب اوی نینگ ویران ایتگن.

تخارولایتی نینگ ولایت حاکمی سوزچی سی سنت الله تیمور بی بی سی بیلن بولگن صحبت لریده روی بیرگن حادثه ده اوشبو عایله ده یشه یاتگن اوچ کیشی قربان بولیب وینه اوچ کیشی هم تن جراحت الگنی نی ایتدی.

شونگه قوشیمچه تیمور جنابلری گه کوره قربان بولگن عایله آنه، سینگیل وایناغه دن عبارت بولیب همده جراحت لنگن لر ایسه آته وینه ایکی سینگیل ایکن، لیکن اولر نینگ جراحتی آغیر بولگنی ایتیله دی.

عین دمده حادثه روی بیرگن محلدن اونلب عایله لر تهدید آستیده بولگنی اوچون اوی جای لرینی ترک ایتیشگه مجبور بولیشیب باشقه قشیلاق لرگه باریب جیالشگن لر.

رسمیلرگه کوره ضرر کورگن لر گه انسان پرورلیک یاردم ییتکزیش مقصدی اوچون ولایت حاکمی تمانیدن مخصوص بیر کمیته ایجاد ایتیلگن، لیکن قربان بولگن لرنینگ توپراققه تاپشیریش مراسمیدن سونگ اولر اوز ایش لریگه باشله یدیلر.

ایتیلیشچه جاری ییل جریانیده تخارولایتی ده جایلشگن رستاق اولسواللیگی نینگ خواجه خیراب دیب اتلگن قشلاقیده هم تاغ قولب توشیشی سبب یوزلب عایله اوی جای لرینی ترک ایتیشگه مجبورلنگندیلر.

شونینگ دیک بوندن باشقه کلفگان اولسواللیگی گه هم شونگه اوخشش حادثه روی بیریب کمیده اون عایله مالی ضرر کورگن ایدی.

شونگه بناءً بو اوچینچی مرته که بوولایتده تاغ کوچیگیسی حادثه سی روی بیریب اهالی گه مالی وجانی ضررییتکزماقده.