قندهار پلیس باشلیغی :مخالف قوراللیلرنی اوروش میدانیده اولدریرنگ

قندهار ولایتی نینگ پلیس باشلیغی جنرال عبدالرازق ، اوز عسکر لریگه، بوند بویان قولگه توشیرلگن دولت مخالف لرینی آتیب تشله شینی بویورق بیرگن.

جنرال رازق قندهار ولایتی نینگ "ژیری" تومنیده طالبان عصیانکارلری مقابلیده یولگه قوییلگن حربی عملیاتی دن سونگ مخبرلر بیلن صحبت لشگن.

اونینگ ایتیشیچه عدلی و قضایی اداره لرده گی فساد باعث قولگه توشیرلگن عصیانکار لر قماق خانه دن آزاد ایتیلیب قیته دولت کوچلری مقابلیده اوروش صفلریگه قوشیلماقده.

بوندن آلدین هم قطار افغان رسمی لری طالب لرنینگ قماقخانه لرده قویب یوبارلیشی اوچون عدلی و قضایی اداره لرنی تنقید آستیگه الیب کیلگن.

بیراق بو بیرینچی مراتبه دیر که پلیس کوچلریدن بیری قوراللی مخالف کوچ لرنی جنگ میدان لریده آتیب اولدیرلیشیگه بویوروق بیرماقده.

افغانستان جمهور رئیس حامد کرزی اوتمش ده طالبان محبوسلری بیلن ملایم مناسبت کورسه تیب قطار محبوس لرنی پلچرخی و بگرام قماقخانه لریدن آزاد ایتگن. اونینگ بو عمللری افغانستانده کی قطار رسمی لر تمانیدن تنقید آستیگه هم کیلگن.

افغانستان ایچکی ایشلروزیرلیگی بی بی سی بیلن صحبتده ، بو مساله توغری سیده مخبرلر قندهار ولایت پلیس باشلیغی بیلن صحبت لشیشلری کیرک دیب ایتگن. بیراق افغانستان مدافعه وزیرلیگی قولگه توشیرلگن مخالف کوچلر بیلن قانون اساسیده معامله قیلیشنی معلوم قیلگن .

اوتگن اون بیش کون دوامیده اوچ یوز دن آرتیق قوراللی طالبلر قندهار ولایتی نینگ ژیری تومنیگه هجوم قیلیب چیگره ده قرار تاپگن افغان کوچلرنینگ قرارگاه لرینی لرینی آلیشگه حرکت قیلیب کیلگنلر.

قندهار ولایتی نینگ اطرافیده یولگه قوییلگن حربی عملیات جریانیده ۱۷۱ طالب نینگ هلاک بولگنی و ۳۷ عصیانکار نینگ یره لنگنی ایتلماقده. پلیس قوماندانیگه کوره ۶۵ هم دولت کوچلری قولیده توشگن.

پلیس باشلیغی نینگ معلوم قیلیشیچه روی بیرگن توقنه شو لرده ۱۴ نفر خوف سیزلیک و عادی اهالیدن هلاک بولگن ۲۲ ایسه یاره لنگن . محلی رسمی لرنینگ ایتیشلریچه طالبان صفیده خارجی جنگری لر هم قوشیلیب دولت کوچلریگه قرشی حربی عملیات لرده اشتراک ایتماقده.

قندهار پلیس باشلیغی رازق جنابلری نینگ ایتیشیچه، خارجی جنگچی لر افغانستان و پاکستان چیگره لرینی کیسیب اوتیب ژیری، پنچوای و میوند تومن لریده جایلشگن.