جمهوررییسلیک سیلاو نامزدلری قوشمه بیانات امضاله دی

Image copyright f

عبدالله عبدالله و اشرف غنی احمدزی کونی کیچه امریکا تشقی ایشلر وزیری جان کری بیلن قوشمه مطبوعات انجمنی اوتکزیب " ملی بیردملیک حکومت" ایجاد ایتیش اوچون قوشمه ایش آلیب باریشلرینی تاکیدله دیلر.

امریکا تشقی ایشلر وزیری واسطه چیلیگی بیلن ایککی نامزد کیله جک حکومت نی تشکیل بیریش اوچون کیلیشگن لر.

جناب کری نامزد لردن قیسی بیری جمهوررییس بولیشدن تشقری اولردن هربیری نینگ رولی افغانستان کیله جگی اوچون حیاتی ایکن لیگینی اورغولب بوحقده شوندی دیدی:" ایککی نامزد هم افغانستان کیله جگی اوچون قوشمه فعالیت قیلیش لریگه کیلیشدیلر." دیدی او.

کری جنابلری امریکا نینگ؛ افغانستان اساسی قانونی دن حمایت بیلدیریشینی تاکیدلب، اورته گه کیلگن کیلیشوو و اجرایی پست ایجاد ایتیش اساسی قانونگه قرشی بولمه گنینی تیلگه آلدی.همده او تیزیم نینگ پارلمانی گه اوزگرتیریشی جمهوررییس صلاحیت لریدن بولگنی باره سیده بحث بولمه گنینی ایتگن. افغانستان اساسی قانونیگه کوره، سیاسی تیزم نینگ اوزگرتیریش اوچون لویه جرگه چقیریلیشی کیره ک.

هرچند ایککی نامزد اره سیده امضالنگن بیتم اچیق لنمه گن. اما شوندی بیر بیتیم امضالنیشی دوام ایتیب کیله یاتگن وضعیت گه برهم بیریش اوچون ایجابی ایکن لیگی ایتیلماقده.نامزدلرنینگ صحبت لریگه قره گنده اجرایی مقامی نینگ صلاحیت لری امضالنگن بیتیم گه اچیق لنگن.

امریکا تشقی ایشلر وزیری جان کری ایجاد ایتلیشی کوتیله یاتگن اجراییه ریاستی کیله جک دولت اوچون فایده لی بولیشینی تاکیدله دی.

اوتگن کون قوشمه مطبوعات انجمنیده صحبت قیلگن عبدالله عبدالله امضالنگن قوشمه اعلامیه ده ایککی تیم نینگ قوشمه ایش آلیب باریشلری آچیق لنگنینی ایتدی:" آلدین آلیب باریلگن مذاکره لر نتیجه سیده تخنیکی جریاننی آلغه الیب کیتیش همده سیاسی کیلشوو نی عملی قیلیش خصوصیده کوپراق سعی قیلیشگه کیلیشدیک."

نامزد لردن باشقه بیری اشرف غنی احمدزی قوشمه اعلامیه مملکت جاری وضعیتی دن ایککی تیم نینگ توشینچه سی نتیجه سی بولگنینی تیلگه آلدی:" مملکت منفعتی اوچون ایککی سیلاو تیم هرتمانلمه ایشله شی لازم." دیدی او.

شونینگ دیک احمدزی جنابلری منطقه ده کیچه یاتگن سیاسی وضعیت گه اشاره قیلیب عراق و سوریه تقدیریگه دچار بولیشینی ایستمیمیزدیب فکربیلدیردی.