امریکا ایلچیسی:سیلاوگه عاید جنجاللر تکراربولمسلیگی اوچون ضمانت یوق

امریکا نینگ افغانستانده گی ایلچیسی جیمیز کنینگهام بوکونگی اوتکزگن مطبوعات انجمنیده ایککی نامزد اره سیده ینه ده جنجاللر یوزبیرمسلیگی اوچون هیچ قندی زمانت یوق لیگینی ایتدی.

اما او اشرف غنی احمدزی و عبدالله عبدالله بوجریانگه نقطه قوییشگه وعده بیرگنینی تیلگه آلگن. عینی حالده امریکا ایلچیسی جاری ای اخرلریده ینگی جمهورریسی معلوم بولیشی اوته مهم لیگینی تاکیدله دی. امریکا تشقی ایشلروزیری جان کری سفریدن تورت کون اوترایکن، رایلرنی سنش جریانی اولدینکی دیک دوام ایتماقده، اما رایلرنی بیکار قیلیش جریانی هلی هم باشلنمه گن. هرحالده ایککی نامزد هم ملی بیردملیک دولت ایجاد ایتیش اوچون کیلیشوو گه امضا قوییدی. امریکا نینگ افغانستانده گی ایلچیسی ایککی نامزد بیرگن وعده لریگه عمل قیلیشلری کیره ک لیگینی تاکیدله دی. هرچند اشرف غنی احمدزی و عبدالله عبدالله تفتیش جریانی تیزلیکده توگب جاری ای اخریده ینگی جمهوررییس تحلیف مراسمی نی یولگه قوییش وعده سینی بیردی. اما ایککی نامزد اره سیده ینه ده قرمه قرشلیک لراورته گه کیلیشی ممکن دیگن خواطرلرپیدا بولگن. امریکا نینگ افغانستانده گی ایلچیسی جیمز کنینگهام هم نامزدلراره سیده ینه ده قرشلیک پیدا بولمسلیگی اوچون هیچ قندی ضمانت یوق لیگینی تاکیدله دی:" حاضرگی شرایطده بوخصوصده قندی حالت یوزبیریشیگه هیچ قندی ضمانت یوق، اما افغانلر سیلاولرده سیس لری ایشتیلیشی وطلب لریگه دوام بیریشینی ایتدیلر. بو افغان سیاستچیلرینی ترغیب ایتیش اوچون اساسی فکتور تیزلیکده جاری وضعیت گه نقطه قوییب بیرگن وعده لریگه عمل قیلسین لر. دیدی امریکا امریکا نینگ افغانستانده گی ایلچیسی." شونینگ دیک امریکا ایلچیسی ملی بیردملیک دولت تشکیل ایتیش فکری امریکا تامانیدن ایمس، بلکه افغان سیاستچیلری تامانیدن آلغه سوریلگنینی تیلگه آلدی.شونگه علاوه جناب ایلچی تشکیل ایتیلیشی کوتیله یاتگن ملی بیردملیک حکومتی باره سیده افغانستان خلقی تولیق اگاه ایمسلیگینی ایتدی. هرحالده او، افغانستان نینگ حاضرگی وضعیتی گه قره گنده ملی بیردملیک حکومت تشکیل ایتیش اینگ معقول یول بولگنینی اورغوله دی. امریکا تشقی ایشلر وزیری واسطه چیلیگی بیلن ایککی نامزد اره سیده کیلشوو بیتم امضالندی بیراق او افغانستاننی ترک ایتیشی بیلن نامزد لر بو کیلشوو بیتم و ملی بیردملیک حکومت باره سیده فرقلی فکرلر بیلدیردی. عبدلله عبدلله نینگ سیلاو تیمی امضالنگن بتیمده قدرت نینگ بولیش مساله سی هم کیرتیلگنینی ایته دی، بیراق اشرف غینی احمدزی تیمی بوندن مقصد قدرت نی بولیش معنی سیده ایمسلیک توشینچه سیگه. باشقه تاماندن ایککی سیلاو تیم حاضرگه قدرهم امضالنگن حجت تفصیلاتی اوسیتگه بحث آلیب باریش اوچون قوشمه کیمسیون ایجاد ایتیشگه قادر بولمه گن.