امریکا نینگ هوا دن عملگه آشیرگن هجومیده 3افغان پلیسی هلاک بولگن

کابل شمالیده جایلشگن پروان ولایتی نینگ رسمی لری ناتونینگ هوادن اویوشتیرگن ضربه لریده اوچ پلیس عسکری هلاک بولگنیدن خبربیریشگن.

بو ولایت رسمی لری امریکاهوا کوچلری نینگ عملگه آشیرگن بوهجومیده 3پلیس هلاک ایتیلیشی یانیده بیرپلیس هم یره لنگن.

پروان ولایتی حاکمی نینگ سوزچیسی وحید صدیقی بی بی سی گه امریکا حربی لری جمعه کونی بو ولایت نینگ غوربند تومنی گه قره شلی سیاه گرد قیشلاغیگه ساغلیق خذمتی ییتکزیش اوچون بارگن لرینی ایتدی.

اونگه کوره امریکاگه تیگیشلی اوچقیچ ایسه محل گه بارگن حربی لرنینگ امنیتی نی تامینلشردی، بواوچاق تاغ اوستیده جایلشگن حربی قرارگاه تیکشیرمسدن توریب نشانگه آله دی.

صدیقی جنابلری بو قرارگاه پلیس گه تیگیشلی بولگنی نی ایتیب تیکشیروو اوتکزمسدن هجوم اویوشتیریلگنی بوحادثه گه سبب بولگنی نی معلوم قیلدی.

افغان رسمی لری دایم ناتوکوچلری نی عادی اهالینی اویوشتیرگن هجوم لری عاقبتیده اولدیرگن لیککه عیب لب کیلگن لر.

یقینده بومساله حتی افغانستان جمهور رئیسی حامد کرزی نینگ هم غضبی گه سبب بولدی.

بوندن آلدین کرزی جنابلری افغان کوچلری یولگه قویه دیگن حربی عملیات لریده خلق ارا کوچلردن هوا یاردمی سوره آلمسلیک لرینی اعلان ایتگن ایدی.

شونینگ دیک حامد کرزی نینگ امریکا بیلن امضالنه دیگن شرطنامه ده گی مهم شرطلریدن بیری امریکا حربی لری تاماندن اهالی اوییده عملیات اوتکزیلمسلیک شرطی ایدی.