عطا محمد نور: آوازلرنی بیکارایتیش جریانی شفاف وعدالتلی بولسین

عبدالله عبدالله طرفداری بلخ حاکمی عطا محمد نورگه کوره آوازلرنی تیکشیریش جریانی ساخته کارلیک بیلن وجودگه کیله دیگن حکومت اعتباربیریلگن حالده، قبول قیلمه یدیلر.

بلخ ولایتی نینگ حاکمی عطا محمد نور آوازلرنی دقت بیلن تیکشیریلیشی باره سیده تاکیدله ماقده.

نورجنابلری بی بی سی بیلن بولگن صحبتیده حاضرگچه جریان یخشی آلغه کیته یاتگنی نی ایتیب اما بیرلشگن ملت لر تشکیلاتی تاماندن بیکاریا بیکار ایتیلمسلیگی باره سیده قضاوت قیلینه دیگن آوازدن بیرقسمی تفتیش ایتیلیشی ده 16حالت دن عبارت بولگن معیارنظرده توتیلیشی گه امید قیلدی.

برچه آوازلرنی تیکشیریلیشی اوستیده ایریشیلگن کیلیشوودن حاضر بیر آی اوتماقده.

حاضرگچه 23آوازدن 9000صندوق اطرافیده بولگن آوازصندوقلری تیکشیریلگن. اما آوازلرنی بیکار ایتیش اوچون هیچ قنده ی قرارآلینمه گن وبونینگ دلیلی هم ایکی سیلاوتیم نینگ بیکارایتیش معیارلری اوستیده کیلیشووگه ایریشه آلمه گن لری بولگن.

افغانستان سیلاولرمستقل کمیسیونی ایکی تیم تاماندن انیقلنگن 6000صندوق آوازینی تیکشیریش ایشینی باشله شی کوتیله دی.

نورجنابلری امریکا تشقی ایشلر وزیرلیگی واسطه چیلیگی بیلن ایکی نامزد اورته سیده ایریشیلگن کیلیشوودن اوز حمایتی نی بیلدیریب وملی بیردملیک حکومتی تشکیل ایتیلیشی گه طرفداربولگنی نی تیلگه آلدی.

اونگه کوره اشرف غنی احمد زی اوز تعهدیگه تورمی وملی بیردملیک حکوم نی رد ایته دی. چون اشرف غنی تیمی اونگه باسیم ییتکزه دی.

اشرف غنی احمد زی مخبرلر بیلن بولگن اوچره شوویده تشکیل ایتیله دیگن ملی بیردملیک حکومتی ایکی نامزد اورته سیده قدرت بولینیشی ایمس دیدی.

احمد زی اگر سیلاوده غالب بولگن حالده لایت حاکم لری اینیقسه نورجنابلریگه اوز صلاحیتی دن آرتیق قرارچیقاریشگه رخصت بیرمسلیگی نی ایتدی.

جمهور رئیسلیک لوازمیگه دعواگراشرف غنی احمد زی عبدالله جنابلری بیلن شرطنامه امضا قیلمه گنی نی ایتدی.

بوشرطنامه ده ته ینگنده سیلاوده غالب بولمه گن تیم جمهور رئیس فرمانی اساسیده اجرائیه رئیسی صفتیده تعیین له نیب وجمهور رئیس بویروغیگه قره ب ایشلشه دی.

بلخ ولایتی نینگ حاکمی عطا محمد نور آوازلرنی دقت بیلن تیکشیریلیشی باره سیده تاکیدله ماقده، بیرتامانلمه قضاوت قیلینگن تقدیرده مدنی حرکت لرگه قول اوریب اعتراض بیلدیریش لری ممکن لیگی نی بیلدیرماقده.