غزنیده ماین تازه لش اداره سی نینگ 11خادمی اوغیرلنگن

Image copyright HALOTrust

ولایتی نینگ رسمی لری بوولایتده فعالیت قیله یاتگن ماین تازه لش تشکیلاتی نینگ 11خادمی جمعه کونی طالبان تاماندن اوغیرلنگنی باره سیده خبربیرگن.

بو ولایتی حاکمی سوزچیسی شفیق ننگ بی بی سی گه بو11نفر بو ولایت نینگ اندراب تومنیدن اوغیرلنگنینی ایتگن.

اونینگ ایتیشیچه بوکیشی لرجمعه کونی ساعت 11ده نقلیه واسطه لری بیلن کابل گه کیلیش نی نیت قیلیب جونه گن، یولده ملا نوبابا منطقه سیده قوراللی طالبان تاماندن اوغیرلنگن.

حاضرگچه اولرنینگ تقدیری باره سیده معلومات قولده ایمس، بیراق اولرنینگ قوتقریش اوچون سعی وحرکت لر باشلنگن.

اوتگن کونی قیزیل آچ تشکیلاتی نینگ 5خادمی هم غربی هرات ولایتیده قوراللی لر تاماندن اوغیرلنگن ایدی.

اوتگن ییلی هرات ولایتیده هیلوترست ناملی ماین تازه لش اداره سی نینگ 63خادمی هم قوراللی دولت مخالف لری تاماندن اوغیرلنگن ایدی.

ماین تازه لش بوییچه ایشی بیلن فعالیت قیلیب کیله دیگن تشکیلات لر اوزاق ییللردن بیری قیزیل آچ تشکیلاتی خادملری کبی اوروش تامان لری نینگ هجوملریدن سقله نیب کیلگن ایدی.

بیراق سونگی ییللرده بولردن بیرقطارلری ایسه دولت مخالف لری تاماندن اولدیریلگن.