اوچ هند وطنداشی طالبان قولیدن آزادایتیلدی

Image copyright NDS

افغانستان ملی خوف سیزلیک اداره سی بو اوچ هند وطنداشی کابل جنوبیده جایلشگن لوگر ولایتی ده طالبان حرکتی اعضالری تاماندن اوغیرلنگنی نی معلوم قیلیب و اوتکزگن مخصوص عملیاتده آزاد ایتیلگن لریدن خبربیردی.

ملی خوف سیزلیک بیاناتیده هند نینگ بو اوچ وطنداشی ناملری انیونی گنگادر، کورمایوسفر وبدوگنگادربولگن. قوییب یوباریلگن لر بیر خصوصی شرکت ده خذمت قیلیب کیلگن.

ملی امنیت گزارشیده کیلیشیچه بوکیشی لر22اسدده کابل ولوگرولایت لری یولیده کابلگه کیله یاتگن چاغده واغجان تنگی سیده طالبان گروهی اعضالری تاماندن اوغیرگن.

ملی خوف سیزلیک اداره سیگه کوره طالبان اوغیرلنگن هند وطنداشلرینی میدان وردک ولایتی آرقه لی پاکستان نینگ کویته شهریگه آلیب باریشنی مقصد قیلگن.

اوشبو بیاناتده ملی امنیت اداره سی اولرنینگ اوغیرله نیشی آرتیدن اولرنینگ سقلنه دیگن محلی نی انیقلب کیین مخصوص عملیات اوتکزیب نتیجه ده لوگر ولایتی نینگ بابوس منطقه سیدن اولرنی قوتقریشگه موفق بولیشگن.

بو اداره بیرنفرنی بو آدم اوغیرلش واقعه سیگه عیب لب قولگه آلیشگن.

افغانستان ملی خوف سیزلیک اداره سی خارج وطنداشلریدن خوف لی محللرگه سفرقیلگن تقدیرده پلیس نی جریان گه قوییشلرینی طلب قیلیب کیلگن.

اوتگن ییلی بیرقطار خارج وطنداشلری مینیلگن تیک اوچر لوگر ولایتی ده توشیشیگه مجبورله نیب طالبان قولیگه توشگندی. خارج وطنداشلرنینگ اکثریسی تورکیه وطنداشلری بولیب اولر اوتکزیلگن مذاکره لرسبب آزاد ایتیلگن.